ەنەرگيا كوزىن دامىتۋدى تالقىلادى

«قاسىم-جومارت توقاەۆ كليماتتىڭ وزگەرۋى جونىندەگى بۇۇ-نىڭ نەگىزدەمەلىك كونۆەنتسياسى تاراپتارىنىڭ 28-ءشى كونفەرەنتسياسى اياسىندا ACWA Power كومپانياسى ديرەكتورلار كەڭەسىنىڭ توراعاسى مۇحاممەد ابۋنايانمەن كەزدەستى. كەزدەسۋ بارىسىندا كومپانيانىڭ قازاقستانمەن ءوزارا ىقپالداستىعىن ودان ءارى نىعايتۋدىڭ نەگىزگى اسپەكتىلەرى جانە بىرقاتار ينۆەستيتسيالىق جوبانى جۇزەگە اسىرۋ ماسەلەلەرى تالقىلانعانى» ايتىلدى.

كەزدەسۋ بارىسىندا  جەتىسۋ وبلىسىندا بوي كوتەرەدى دەپ جوسپارلانعان  قۋاتى 1 گۆت بولاتىن جەل ەلەكتر ستانتسياسىن سالۋدىڭ ماڭىزدىلىعى ايتىلدى.   بۇل نىسانعا 1,8 ميلليارد دوللار كولەمىندە ينۆەستيتسيا قۇيۋ كوزدەلىپ وتىر. مۇحاممەد ابۋنايان كومپانيانىڭ قازاقستانداعى ۇلەسىن كەڭەيتۋگە جانە جاسىل ەنەرگەتيكا سەكتورىندا ينۆەستيتسيالىق جوبالاردى جۇزەگە اسىرۋعا مۇددەلى ەكەنىن ايتتى. قاسىم-جومارت توقاەۆ  بۇل باستاما قازاقستاننىڭ جاڭارتىلاتىن ەنەرگيا كوزدەرىن دامىتۋدىڭ وڭىرلىك ورتالىعى بولۋ نيەتىنە ساي كەلەتىنىن اتاپ ءوتتى. مەملەكەت باسشىسى كومپانيانىڭ قىزمەتى مەن اۋقىمدى جوبالارىن, اتاپ ايتقاندا, قۇنى 4,6 ميلليارد دوللار بولاتىن دۋبايداعى «Noor Energy 1» كۇن ەلەكتر ستانتسياسىنىڭ قۇرىلىسىن جوعارى باعالادى. بۇل الەمدەگى ەڭ ءىرى نىسان سانالادى.