قوعام • 01 جەلتوقسان, 2023

ەلىمىزدە تەلەفون الاياقتىعىنىڭ جاڭا ءتۇرى پايدا بولدى

674 رەت

كورسەتىلدى

1 مين

وقۋ ءۇشىن

قازاقستان ۇلتتىق بانكى جاساندى ينتەللەكتىنى پايدالانا وتىرىپ جاسالاتىن تەلەفون الاياقتىعىنىڭ جيىلەپ كەتكەنى تۋرالى ەسكەرتتى, دەپ حابارلايدى Egemen.kz.

ايانا توعانبەك

ەلىمىزدە تەلەفون الاياقتىعىنىڭ جاڭا ءتۇرى پايدا بولدى

«الاياقتار كەز كەلگەن ادامنىڭ جاقىن تۋىستارى مەن تانىستارى تۋرالى اشىق دەرەككوزدەردەن الدىن الا اقپارات جينايدى. بۇل دەرەككوزدەر – الەۋمەتتىك جەلىلەر, قورعالماعان دەرەكقورلار مەن ينتەرنەتتە ورنالاستىرىلعان دەربەس مالىمەتتەر. بۇدان ءارى ولار داۋىستىق دەرەكتەردىڭ جازباسىن جاساۋ ءۇشىن بەلگىسىز نەمەسە ءانونيمدى تەلەفون نومىرلەرىنەن قوڭىراۋ شالادى. قاسكويلەر الىنعان داۋىستىق جازبالار مەن جاساندى ينتەللەكت كومەگىمەن وڭدەلگەن باعدارلامالاردى پايدالانا وتىرىپ, دەربەس دەرەكتەردى نەمەسە اقشالاي قاراجاتتى الۋ ماقساتىندا وزدەرىن الاياقتىق قۇربانى بولاتىن ادامنىڭ تۋىستارى نەمەسە جاقىندارى رەتىندە تانىستىرادى», دەلىنگەن حابارلامادا.

قازاقستان ۇلتتىق بانكى ازاماتتاردى بەلگىسىز نومىرلەردەن قوڭىراۋ شالىنعان كەزدە قىراعىلىق تانىتىپ, وزدەرىنىڭ دەربەس دەرەكتەرىن اشپاۋعا, ءموبيلدى قوسىمشالاردى ورناتپاۋعا, ءموبيلدى تەلەفونعا قاشىقتان كىرۋ رۇقساتىن بەرمەۋگە جانە تەلەفون ارقىلى سويلەسۋ بارىسىندا الىنعان نۇسقاۋلار بويىنشا ءۇشىنشى تۇلعالاردىڭ شوتتارىنا اقشالاي قاراجاتتى اۋدارماۋعا شاقىردى.