جينالعاندار پاۆلودار وبلىسىنىڭ ەكىباستۇز قالاسىندا فەرروقورىتپا وندىرەتىن زاۋىت سالۋ ماسەلەسىن تالقىلادى. قۋاتى جىلىنا 80 مىڭ توننا فەرروسيليتسي بولاتىن جوبا 520-دان استام تۇراقتى جۇمىس ورنىن اشۋعا مۇمكىندىك بەرەدى.
زاۋىت فەرروقورىتپا ءونىمىن جاپونيا, وڭتۇستىك كورەيا, اقش, تۇركيا جانە ەۋروپا ەلدەرىنە ەكسپورت كولەمىن ارتتىرۋعا سەپتەسەدى. جوبا بويىنشا ينۆەستيتسيا كولەمى 113 ملرد تەڭگەدەن اسسا, پايدالانۋعا بەرۋ مەرزىمى – 2025 جىل دەپ جوسپارلانىپ وتىر.
كوميسسيانىڭ كەزەكتى وتىرىسىندا مۇناي كەن ورىندارىن ودان ءارى يگەرۋدىڭ وزەكتى ماسەلەلەرى قوزعالدى. ءوندىرىس تيىمدىلىگىن ارتتىرۋ, جۇمىس ورىندارىن قۇرۋ جانە قىزمەت كورسەتۋ كومپانيالارىن قاجەتتى جۇمىس كولەمىمەن قامتاماسىز ەتۋ سياقتى باعىتتار قارالدى.
سونىمەن قاتار مەملەكەتتىك كوميسسيا مۇشەلەرى جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىن تالقىلادى. اتاپ ايتقاندا, جوبالاردى قوسۋ جانە الىپ تاستاۋ بويىنشا جاڭارتىلعان كريتەريلەر, سونداي-اق بىرقاتار اكتيۆتى باسەكەلەستىك ورتاعا بەرۋ جونىندەگى ۇسىنىستار سارالاندى. ونىڭ ىشىندە, Qazaq Air اۋەكومپانياسىن 2024 جىلى باسەكەلەستىك ورتاعا بەرۋ ماسەلەسى تالقىلاندى.
