«استانا» ءوز الاڭىندا حورۆاتيانىڭ «دينامو زاگرەب» كلۋبىمەن كەزدەسەدى. بۇل كوماندالار س توبىندا وينايدى. ولاردان باسقا, توپتا چەحيانىڭ «ۆيكتوريا پلزەن» مەن كوسوۆونىڭ «بالكاني» كوماندالارى بار. قازىر تۋرنير كەستەسىندە چەحيالىق كوماندا 4 ويىننان كەيىن 12 ۇپاي جيناپ, كوش باستاپ كەلەدى.
ەكىنشى ورىندى «استانا» ۇستاپ تۇر. استانالىقتار 4 ماتچتا 4 ۇپاي جينادى. ءبىر ويىندا جەڭىپ, ءبىر ماتچتا تەڭ ءتۇسىپ, ەكى كەزدەسۋدە جەڭىلىس تاپتى. ءۇشىنشى ورىندى «استانا» سياقتى ءبىر ويىندا جەڭىپ, ءبىر ماتچتا تەڭ ويناپ, ەكى كەزدەسۋدە قارسىلاستارىنا ەسە جىبەرگەن «بالكاني» يەلەنىپ وتىر. كوسوۆونىڭ جاساعىندا 4 ۇپاي بار. ال سوڭعى ورىندا 3 ۇپاي العان «دينامو زاگرەب» كومانداسى تۇر.
ەسكە سالا كەتسەك, «استانا» سىرت الاڭدا «دينامو زاگرەبكە» 1:5, ءوز الاڭىندا «ۆيكتوريا پلزەنگە» 1:2 ەسەبىمەن جەڭىلدى. «بالكانيدى» كوسوۆودا 2:1 ەسەبىمەن جەڭسە, ءوز الاڭىندا 0:0 ەسەبىمەن تەڭ وينادى.
بۇعان دەيىن «استانا» مەن «دينامو زاگرەب» 5 رەت ويناعان. سونىڭ بارىندە حورۆاتيالىق كلۋب جەڭگەن.
ايتا كەتەيىك, ماتچتى بۇگىن ساعات 21:20-دا «Qazaqstan» ۇلتتىق ارناسىنىڭ تىكەلەي ەفيرىنەن كورە الاسىزدار.
