فوتو: gov.kz
استانا قالاسى توتەنشە جاعدايلار دەپارتامەنتى «قازگيدرومەت» رمك دەرەكتەرى بويىنشا استانا قالاسىندا 30 قاراشا كۇنى اۋا رايىنىڭ تۇراقسىزدىعىنا, تەمپەراتۋرانىڭ وزگەرۋىنە جانە قاتتى جاۋىن-شاشىنعا بايلانىستى كوكتايعاق كۇتىلەتىنىن ءمالىم قىلدى.
استانا اكىمدىگى اۋا رايىنىڭ قولايسىزدىعىنا بايلانىستى قالا تۇرعىندارى مەن قوناقتارىنان جازاتايىم وقيعالارعا تاپ بولماس ءۇشىن ساقتىق ەرەجەلەرىن ساقتاۋدى سۇرادى.
حابارلامادا ەلوردالىق قۇتقارۋشىلار توتەنشە جاعداي تۋىنداعاندا 112 تەلەفونى بويىنشا شۇعىل قىزمەتتەرگە قوڭىراۋ شالۋدى سۇرادى. اسىرەسە كوشەدەن وتەر كەزدە وتە مۇقيات بولۋعا, سونداي-اق مەكتەپ وقۋشىلارىن كوكتايعاق كەزىندە ساقتىق ەرەجەلەرىن ساقتاۋعا شاقىردى.
