ءبىرىنشى ءورت ءسوندىرۋ ءبولىمى شاقىرتۋ ورنىنا 7 مينۋت ىشىندە كەلگەن. ءورت تولىق 6:22-دە وقشاۋلانعان.
«كەلگەن بويدا 1 قاباتى جانە جەرتولەسى جاتاقحاناعا اينالعان 3 قاباتتى تۇرعىن ءۇيدىڭ جانىپ جاتقانى انىقتالدى. الدىن الا اقپارات بويىنشا ءورتتىڭ جالپى اۋدانى – 25 شارشى مەتر», دەپ حابارلادى دەپارتامەنت.
ءورت بولعان حوستەلدە 72 ادام بولىپتى, ءورتتى بارلاۋ جانە ءسوندىرۋ بارىسىندا 13 ادامنىڭ ءمايىتى تابىلدى. قازىر ولاردىڭ كىم ەكەنى انىقتالىپ جاتىر. ولار كومىرتەگى توتىعىنان ۋلانىپ قايتىس بولعان.
الماتى قالالىق دەنساۋلىق ساقتاۋ باسقارماسى ورتتەن زارداپ شەككەن ەكى ادامعا العاشقى كومەك كورسەتكەن. باسقارمانىڭ مالىمەتىنە سايكەس, ناۋقاستىڭ بىرىنە كومىرقىشقىل گازىنا ۋلانۋ دياگنوزى قويىلدى.
«ونىڭ جاعدايى ورتاشا اۋىر, تۇراقتى دەپ باعالانىپ وتىر. ەكىنشى ناۋقاس بارلىق تەكسەرۋدەن كەيىن ۇسىنىستارمەن امبۋلاتورلىق ەمدەلۋگە جىبەرىلدى», دەپ حابارلادى ۆەدومستۆودان.
ءورت بولعان ايماقتان 59 ادام ءوز بەتىنشە شىققان, ولار قازىر ەۆاكۋاتسيالانىپ, 56-سى جاقىن ماڭداعى مەكتەپكە ورنالاستىرىلعان.
ء ورتتى سوندىرۋگە قالالىق توتەنشە جاعدايلار دەپارتامەنتىنىڭ 46 قىزمەتكەرى مەن 14 تەحنيكا جۇمىلدىرىلعان.
