بۇل سۇراققا ءىىم م.ەسبولاتوۆ اتىنداعى الماتى اكادەمياسى اكىمشىلىك-قۇقىقتىق پاندەر كافەدراسى باستىعىنىڭ ورىنباسارى, پوليتسيا پودپولكوۆنيگى اسەم قىرعىزبەكقىزى جاۋاپ بەرەدى.
– 1 جەلتوقسان جاقىنداعان سايىن كولىك قۇرالدارى يەلەرى تاراپىنان وزەكتى سۇراقتارىنىڭ ءبىرى – قىسقى دوڭعالاققا اۋىسۋ تۋرالى سۇراقتار كوپتەپ قويىلىپ جاتادى. كەدەن وداعىنىڭ 018/2011 «دوڭعالاقتى كولىك قۇرالدارىنىڭ قاۋىپسىزدىگى تۋرالى» تەحنيكالىق رەگلامەنتى 8-قوسىمشاسىنىڭ 5.5-تارماعىنا سايكەس قىسقى كەزەڭدە (جەلتوقسان, قاڭتار, اقپان ايلارىندا) 5.6.3-تارماعىندا كورسەتىلگەن تالاپتاردى قاناعاتتاندىراتىن قىسقى دوڭعالاقتارمەن جابدىقتالماعان م1 جانە N1 ساناتتاعى كولىك قۇرالدارىن پايدالانۋعا تىيىم سالىنادى. كولىك قۇرالىنىڭ بارلىق دوڭعالاعىنا قىسقى شينا ورناتىلۋعا ءتيىس. اتالعان تارماقتا: «جازعى كەزەڭدە (ماۋسىم, شىلدە, تامىز) سىرعاناۋعا قارسى شينالارمەن جابدىقتالعان كولىك قۇرالدارىن پايدالانۋعا تىيىم سالىنادى» دەگەن نورمانىڭ بارىن دا اتاپ وتكەن ءجون.
تەحنيكالىق رەگلامەنتتە جىلدىڭ باسقا ايلارىندا قانداي دوڭعالاقتاردى قولدانۋ تالاپتارى بەلگىلەنبەگەندىكتەن, دوڭعالاق اۋىستىرۋ ۋاقىتىن, جول قاۋىپسىزدىگىن ەسكەرە وتىرىپ, كولىك قۇرالىنىڭ يەسى ءوزى شەشەدى. دەگەنمەن تەحنيكالىق رەگلامەنتتە اۋا رايى (قاردىڭ بولۋى نەمەسە بولماۋى) ەرەكشەلىكتەرى كورسەتىلمەگەن. سوندىقتان قانداي جاعداي بولسا دا, جەلتوقسان, قاڭتار جانە اقپان ايلارىندا قىسقى شينالارمەن جابدىقتالماعان كولىك قۇرالدارىنىڭ يەلەرى اكىمشىلىك قۇقىق بۇزۋشىلىقتار تۋرالى كودەكستىڭ 590-بابى 5-تارماعىنا سايكەس جاۋاپكەرشىلىككە تارتىلادى.
