الداعى سەنات وتىرىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپاراتتىق قاۋىپسىزدىك, اقپاراتتاندىرۋ جانە تسيفرلىق اكتيۆتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ەكىنشى وقىلىمدا قارايدى.
ايتا كەتەيىك, قۇجات نورمالارىنا سايكەس اكىمشىلىك قۇقىق بۇزۋشىلىق تۋرالى, كاسىپكەرلىك, ەڭبەك, حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكستەرگە, سونداي-اق قازاقستان رەسپۋبليكاسىنىڭ ون زاڭىنا وزگەرىستەر مەن تولىقتىرۋلار ەنگىزۋ كوزدەلىپ وتىر.
سونىمەن قاتار سەناتورلار سالىق سالاسىن جەتىلدىرۋگە ارنالعان «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىنە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سالىق سالۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭداردى قارايدى. اتاپ ايتقاندا, ميكروقارجى ۇيىمدارى ءۇشىن پروۆيزيالاردىڭ مولشەرىن ازايتۋ كەزىندە سالىق جەڭىلدىكتەرىن ەنگىزۋ, تالاپ قويۋ كەزىندە مەملەكەتتىك باجداردى تولەۋ جانە باسقا دا بىرقاتار ماڭىزدى وزگەرىس بويىنشا ءتيىستى تۇزەتۋلەر ەنگىزىلەدى.
سونداي-اق بيۋرو وتىرىسىندا پارلامەنت ماجىلىسىنەن كەلىپ تۇسكەن زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.
