«7 جىل ىشىندە ءبىز جالپى ىشكى ءونىمدى ەكى ەسەگە ارتتىرىپ, ونىڭ كولەمىن 2029 جىلعا قاراي 450 ميلليارد اقش دوللارىنا دەيىن جەتكىزۋ مىندەتى تۇر. بۇل – ەكونوميكالىق ءوسىم تەك مۇناي ءوندىرۋدى ۇلعايتۋ نەمەسە قۇرىلىس جوبالارىنا عانا ەمەس, تەحنولوگياعا, جۇمىسشىلاردىڭ جوعارى بىلىكتىلىگىنە, دامىعان عىلىم مەن يننوۆاتسياعا يەك ارتۋى كەرەك دەگەن ءسوز», دەدى پالاتا توراعاسى.
وسى ورايدا ءماجىلىس بيزنەس جۇرگىزۋ ماسەلەلەرى بويىنشا زاڭ جوباسىن ءبىرىنشى وقىلىمدا قابىلدادى. وندا كاسىپكەرلەر ءۇشىن جۇمىس ىستەۋگە كەدەرگى كەلتىرەتىن جانە رەتتەۋدە ىقتيمال بۇرمالانۋلارعا, مونوپوليالاۋ تاۋەكەلدەرى مەن سىبايلاس جەمقورلىققا سوقتىرۋى مۇمكىن ارتىق شەكتەۋلەر الىنىپ تاستالدى.
سونىمەن قاتار دەپۋتاتتار جەر قويناۋىنا, كاسىپورىندار مەن جۇمىسشىلارعا جاۋاپكەرشىلىكپەن قاراۋدى ارتتىرۋ ءۇشىن ءىرى ونەركاسىپ يەلەرىنە قويىلاتىن تالاپتى كۇشەيتۋگە نيەتتى.
سپيكەردىڭ پىكىرىنشە, ءوز مىندەتتەمەلەرىن جاۋاپكەرشىلىكپەن ورىندايتىن, بازا مەن تەحنولوگيالاردى دامىتاتىن, ءوز قىزمەتكەرلەرىنە جانە ولار جۇمىس ىستەيتىن وڭىرگە ينۆەستيتسيا سالاتىن كاسىپكەرلەرگە باسىمدىق بەرىلۋگە ءتيىس.
«پرەزيدەنتتىڭ سايلاۋالدى باعدارلاماسىن ورىنداۋ ءۇشىن پارلامەنت جۋىردا جاڭا سالىق كودەكسىنىڭ جوباسىن جۇمىسقا قابىلدايدى. ول ەكونوميكانى كولەڭكەدەن شىعارۋعا, سالىق سالۋدىڭ ءادىل جۇيەسىن قۇرۋعا, ەكونوميكاعا قاجەت ەمەس ارتىقشىلىقتار مەن ەرەكشەلىكتەردى الىپ تاستاۋعا باعىتتالعان», دەپ اتاپ ءوتتى سپيكەر.
تولىعىراق «كازاحستانسكايا پراۆدا» گازەتىنەن جانە kazpravda.kz. سايتىنان وقۋعا بولادى.
