فوتو: atr.kz
قازگيدرومەتتىڭ حابارلاۋىنشا, ەلدىڭ باسىم بولىگىنە وڭتۇستىك-كاسپي تسيكلونى اسەر ەتەدى. اتموسفەرالىق فرونتقا بايلانىستى بىرقاتار وڭىردە جاۋىن-شاشىن بولادى. جاۋىن-شاشىننىڭ كوپ مولشەرى رەسپۋبليكامىزدىڭ سولتۇستىك-باتىسىندا, وڭتۇستىك-باتىسىندا, سونداي-اق وڭتۇستىك پەن وڭتۇستىك-شىعىستىڭ تاۋلى ايماقتارىندا كۇتىلەدى.
جالپى قازاقستان بويىنشا تۇمان ءتۇسىپ, كوكتايعاق بولىپ, جەل كۇشەيەدى. سولتۇستىك وبلىستاردا بۇرقاسىن بولۋى مۇمكىن.
قوستاناي وبلىسىنىڭ وڭتۇستىگىندە, سولتۇستىك قازاقستان وبلىسىنىڭ وڭتۇستىگىندە, باتىسىندا, اقمولا وبلىسىنىڭ سولتۇستىگىندە, شىعىسىندا, جامبىل وبلىسىنىڭ وڭتۇستىك-باتىسىندا, تۇركىستان وبلىسىنىڭ تاۋ اسۋلارىندا جەل 23-28 م/س, كەيدە ەكپىنى 30 م/س جانە ودان دا كوپ بولادى.
