وسى ورايدا استانالىق پوليتسيا دەپارتامەنتى قىزۋ جۇمىسقا كىرىسكەن. بۇگىن تاڭەرتەڭنەن بەرى باس قالادا قىرىق-شاقتى جول-كولىك اپاتى تىركەلدى. بۇل تۋرالى دەپارتامەنت قىزمەتكەرلەرى اۋا رايىنىڭ ناشارلاۋى مەن جاۋىن-شاشىنعا, كوكتايعاققا بايلانىستى جول قوزعالىسىنىڭ بارلىق قاتىسۋشىلارىنا بارىنشا مۇقيات جانە ساق بولۋدى ەسكەرتتى.
«جول قوزعالىسى ەرەجەلەرىن, جىلدامدىق رەجيمىن, قاۋىپسىز قاشىقتىقتى, مانەۆر ەرەجەلەرىن جانە بۇيىرلىك ارالىقتى قاتاڭ ساقتاڭىزدار. كولىك جۇرگىزۋشىلەرى شۇعىل مانەۆرلەر مەن تەجەۋ جاساۋدان باس تارتۋى قاجەت. سونداي-اق رۋلدە گادجەتتەردى پايدالانباڭىزدار. جول ەرەجەلەرىن ەلەمەۋ, اتاپ ايتقاندا جىلدامدىق رەجيمىن ساقتاماۋ قايعىلى سالدارعا اكەلۋى مۇمكىن. كۇندىزگى جارىق ازايعاندا قاۋىپ ارتا تۇسەدى. جاڭبىرلى اۋا رايىندا كورىنۋ شەكتەۋلى بولاتىنىن ەسكە سالامىز», دەلىنگەن پوليتسيا دەپارتامەنتىنىڭ الەۋمەتتىك جەلىدەگى پاراقشاسىندا.
ايتا كەتەيىك, جاڭبىر, داۋىلدى جەل مەن كوكتايعاققا بايلانىستى استانادان شىعاتىن بارلىق جولدار جابىلدى.
