فوتو: اشىق دەرەككوزدەن
جەلتوقسان ايىندا حالقىمىز 20 كۇن جۇمىس ىستەپ, 11 كۇن دەمالادى. ەگەر مەملەكەتتىك نەمەسە ۇلتتىق مەرەكە دەمالىس كۇنىنە (سەنبى, جەكسەنبى) كەلسە, دەمالىس كۇندەرى ءبىر كۇنگە ۇزارتىلادى. قازاقستان رەسپۋبليكاسىنداعى مەرەكەلەر تۋرالى زاڭدا 16 جەلتوقسان – تاۋەلسىزدىك كۇنى بولىپ بەلگىلەنگەندىكتەن مەرەكەگە وراي دەمالىس بەرىلەدى.
بيىل 16, 17 جەلتوقسان سەنبى, جەكسەنبى كۇندەرىنە تۇسپا-تۇس كەلگەندىكتەن, اپتاسىنا بەس كۇن جۇمىس ىستەيتىندەر 16, 17, 18 جەلتوقسان كۇندەرى, التى كۇن جۇمىس ىستەيتىندەر – 16 جانە 17 جەلتوقسان كۇندەرى دەمالادى.
2023 جىلدىڭ سوڭعى سەنبى-جەكسەنبىسى 30 جانە 31 جەلتوقسانعا سايكەس كەلەدى. سوندىقتان جاڭا 2024 جىلعا ارنالعان رەسمي دەمالىس كۇندەرى – 1, 2 قاڭتار بولىپ بەلگىلەندى. وسىلايشا, 5 كۇن جۇمىس ىستەيتىندەر 4 كۇن قاتارىنان دەمالىسقا شىقسا, التى كۇندىك جۇمىس اپتاسىنداعىلار 30 جەلتوقساندا جۇمىس ىستەيدى. وسىلايشا, اپتاسىنا 5 كۇن جۇمىس ىستەيتىندەر 4 كۇن قاتارىنان دەمالىسقا شىعا الادى.
ايتا كەتەيىك, 1 جەلتوقسان - تۇڭعىش پرەزيدەنت كۇنى رەتىندە تىزىمدە قالعانمەن, ارنايى دەمالىس بولمايدى.
ال 7 قاڭتار – روجدەستۆو مەرەكەسى جەكسەنبى بولعاندىقتان, قوسىمشا دەمالىس كۇنى بەرىلمەيدى.
