اكىممەن كەزدەسۋ بارىسىندا كاسىپكەرلەردىڭ ءبىرى اناستاسيا زاحارەنكوۆا قالا مەكتەپتەرىندە ءبىر بالاعا بولىنەتىن تاماقتىڭ قۇنىن كوتەرۋ ماسەلەسىن كوتەردى. ونىڭ ايتۋىنشا, سوما قوسىلعان قۇن سالىعىن قوسقاندا 584 تەڭگەنى قۇرايدى.
«بۇل سوما ءونىم جيىنتىعىنىڭ قۇنىن ارەڭ جابادى, جەتكىزۋشىلەردىڭ پايدالانۋ شىعىندارى مەن جالاقىسى ەسەپكە الىنبايدى. التاي كولگىنوۆپەن وتكەن جىلى كەزدەسۋدە بۇل ماسەلە قايتا-قايتا كوتەرىلگەن ەدى... استانا قالاسىنىڭ ءبىلىم باسقارماسى 2020 جىلى ازىق-ت ۇلىكتىڭ مولشەرى شامامەن 684 تەڭگە بولۋى كەرەك دەپ رەسمي جاۋاپتا حابارلاعان بولاتىن. باعا قاشان تۇراقتالادى؟ مۇنداي باعامەن ساپالى ازىق-ت ۇلىكتى تالاپ ەتۋ مۇمكىن ەمەس», دەيدى ول.
بۇعان جاۋاپ رەتىندە جەڭىس قاسىمبەك اكىمدىكتىڭ ماسليحاتقا ءتيىستى قۇجاتتارىن ازىرلەپ جاتقانىن, ازىق-ت ۇلىك باعاسىن 700 تەڭگەگە دەيىن كوتەرۋ جوسپارلانىپ وتىرعانىن ايتتى.
ء«بىز بۇل ءوسىمدى بىرنەشە كەزەڭمەن جۇزەگە اسىرۋدى جوسپارلاپ وتىرمىز. ءبىرىنشى كەزەڭدە 700 تەڭگەگە دەيىن كوتەرەمىز. قالادا ءبىر عانا بيۋدجەت بار ەكەنىن ءتۇسىنىڭىز. بۇل وتە ماڭىزدى سۇراق. وعان قوسا بالاباقشالار مەن مەكتەپ سالۋ دا ماڭىزدى ماسەلە. سونداي-اق جىلۋ مەن سۋ بەرۋ كەرەك. وسىنىڭ بارلىعىنا ءبىر عانا بيۋدجەت قاراستىرىلعان. سوندىقتان ماسەلەنىڭ ءبىر جاعىن جاپساق ەكىنشى ماسەلە تۋىنداپ وتىر. ءسىز ءبىزدى ءتۇسىنۋىڭىز كەرەك. ءبىر بالاعا شامامەن ىستىق تاماق قۇنى 700 تەڭگە بولادى دەپ ءسوز بەرەمىن», دەپ تۇيىندەدى ءسوزىن قالا اكىمى.
