فوتو: اشىق دەرەككوزدەن
سينوپتيكتەردىڭ مالىمەتىنشە, تاياۋداعى ءۇش تاۋلىكتە قازاقستاننىڭ باسىم بولىگى بەلسەندى تسيكلوننىڭ ىقپالىندا بولادى. جاڭبىر مەن قار تۇرىندە جاۋىن-شاشىن جاۋادى. قاتتى جاۋىن-شاشىن (جاڭبىر, قار) 22 قاراشادا باتىستا, سولتۇستىك-باتىستا, 22-23 قاراشادا وڭتۇستىكتە, وڭتۇستىك-شىعىستا بولادى دەپ كۇتىلەدى. رەسپۋبليكا بويىنشا 15-28 م/س جەل كۇشەيەدى, سولتۇستىك جارتىسىندا قارلى بوران, كوكتايعاق بولادى دەپ كۇتىلەدى.
«كەزەڭنىڭ اياعىنا قاراي ەلىمىزدىڭ باتىسىندا اۋا تەمپەراتۋراسىنىڭ 2-12 ايازعا دەيىن تومەندەۋى كۇتىلەدى, رەسپۋبليكانىڭ شىعىسىندا تۇندە تەمپەراتۋرانىڭ 8-13 ايازدان 0-5 جىلىعا دەيىن كوتەرىلەدى, قازاقستاننىڭ قالعان اۋماعىندا تەمپەراتۋرالىق فوندا ايتارلىقتاي اۋىتقۋلار كۇتىلمەيدى», دەلىنگەن «قازگيدرومەت» رمك تاراتقان حابارلامادا.
