فوتو: Alamy.com
فرانتسۋز ايەلى ۇيدە قۇندى زاتتىڭ بار-جوعىن انىقتاۋ ءۇشىن ساراپشى شاقىرتقان. ساراپشى 1280 جىلى سالىنعان چيمابۋەنىڭ «كەلەكەگە ۇشىراعان حريستوس» كارتيناسىن تۇپنۇسقا بولۋى ىقتيمال ەكەنىن ايتادى. ول كارتينا باعاسى 400 مىڭ دوللاردى قۇراۋى مۇمكىن دەپ بولجاپ, انىقتاۋ ءۇشىن سۋرەتتى كاسىبي ماماندارعا تاپسىرعان.
تەكسەرۋ ناتيجەسىندە كارتينانىڭ تۇپنۇسقا ەكەنى انىقتالىپ, 24 ميلليون ەۋروعا باعالانعان.
سۋرەتتە كرەست بەلگىسىنە شەگەلەۋگە دەيىنگى يسۋس بەينەلەنگەن. 25 - تە 20 سانتيمەتر كولەمىندەگى كارتينا تەرەك اعاشىنان جاسالعان تاقتايشاعا التىن فوندا سالىنعان.
لۋۆر مۇراجايىنداعى ەڭ كونە كوللەكتسيالاردىڭ ءبىرى سانالاتىن «كەلەكەگە ۇشىراعان حريستوس» كارتيناسى ۇلكەن ديپتيحتىڭ ءۇشىنشىسى. مۇراجاي اكىمشىلىگى 2025 جىلى كوللەكتسيا تولىعادى دەپ شامالاپ وتىر.
