ءار ءساتتىڭ ادەمى كورىنىسىن ماڭگىلىك تاريحقا تاسپالاعان ول قالا پەيزاجدارىن تۇسىرگەندى جانى سۇيەتىنىن ايتادى. تاڭداۋلى تۋىندىلارى ەۋروپا مەن ازياداعى ۇزدىك كورمەلەرگە قويىلعان يون سۋن الماتىلىق كورەرمەنگە ءوزىنىڭ جان دۇنيەسىنىڭ تازالىعى مەن تابيعاتپەن ەتەنە جاقىندىعىن كورسەتەتىن ەڭ تاڭداۋلى 20 فوتوسۋرەتىن ۇسىندى. سونىمەن بىرگە «ۋاقىتتان تىس. ەموتسيالار مەن ەكپىندەر» اتتى توپتىق كورمەدە ەرەكشە ورىندار مەن نىسانداردى بەينەلەيتىن 3 تۋىندىسى قويىلعان.
ول ءوزىنىڭ فوتوسۋرەتتەرى ارقىلى الەمنىڭ ەڭ ەرەكشە ەلدەرىنە ساياحاتتاۋعا باعىت-باعدار سىلتەيدى. سەبەبى ونىڭ بۇل ونەردى جانىنا سەرىك ەتۋىنىڭ وزىندىك تاريحى بار. ول كورەيا رەسپۋبليكاسىندا قاتەرلى ىسىككە ەڭ جاقسى كومەك كورسەتەتىن اۋرۋحانالاردىڭ بىرىندە دارىگەر بولىپ جۇمىس ىستەپتى. كەيىننەن ەمدەۋ ورتالىعىنىڭ جەتەكشىسى بولا ءجۇرىپ, ناۋقاستاردى تولىققاندى ەمدەۋدە ونەردىڭ قۇدىرەتى اۋرۋدىڭ كۇش-قۋاتىن تولىقتىرۋعا كومەكتەسەدى دەگەن ويمەن سۋرەتكە تۇسىرە باستاعان.
«مەن پاتسيەنتتەرگە جايلىلىق پەن پسيحولوگيالىق تۇراقتىلىق سىيلاۋ ءۇشىن شىن جۇرەكتەن جۇمىس ىستەۋگە تىرىستىم. جاساندى زاتتاردان قاشىپ, تابيعاتتىڭ ەرەكشە بەينەلەرىن سۋرەتكە ءتۇسىرىپ, ونىڭ كەرەمەتتەرى مەن قۇندىلىقتارىن كورسەتۋدى كوزدەدىم. گيپپوكراتتىڭ: ء«ومىر قىسقا, ونەر ۇزاق» دەگەن ءسوزى ومىرلىك ۇستانىمىما اينالدى. بولاشاقتا ادامزاتقا ساپالى تۋىندىلار قالدىرىپ, الەم جاستارى ءۇشىن كوركەم گالەرەيالار قۇرۋدى ارماندايمىن. سونىمەن قاتار حالىقارالىق ۋنيۆەرسيتەت قۇرۋدى جانە مۇقتاج ادامدارعا كومەكتەسەتىن كوشباسشىلاردى تاربيەلەۋدى ماقسات تۇتام», دەيدى يون سۋن سۋ.
يون سۋن سۋدىڭ بەينەلەۋ ونەرى فوتوسۋرەتى بۇكىل الەمدە مويىندالدى. ونىڭ سۋرەتتەرى «زاماناۋي اتاقتى شەبەرلەر» جانە «يتالياداعى بەينەلەۋ ونەرىنىڭ كەيىپكەرلەرى» كىتاپتارىنىڭ 5 تومىندا كورسەتىلگەن.
الماتى
