اتالعان ۆەدومستۆونىڭ ءباسپاسوز قىزمەتىنىڭ مالىمەتىنشە قازىرگى ۋاقىتتا وسى قىزمەتتى قايتا قۇرۋ ماسەلەسىمەن اينالىسىپ جاتقان ەكى باسقارماسى بار دەپارتامەنت اشىلعان. سونداي-اق ۇلتتىق گيدروگەولوگيا قىزمەتىنىڭ قۇرىلىمى مەن جارعىلىق قۇجاتتارى ازىرلەندى, ولار جاقىن ارادا ۇكىمەتتىڭ قاراۋىنا ۇسىنىلادى.
مينيسترلىكتىڭ ۇسىنىسىنا سايكەس, ۇلتتىق گيدروگەولوگيا قىزمەتى جەراستى سۋلارىن باسقارۋ, ىزدەستىرۋ-بارلاۋ جۇمىستارىن جانە مەملەكەتتىك مونيتورينگ سالاسىندا مەملەكەتتىك ساياساتتى جۇزەگە اسىرۋ ءۇشىن ۇيىمداستىرۋشىلىق جانە باسقا دا قاجەتتى قۇزىرەتتەرگە يە بولادى. جەراستى سۋلارىن ءتيىمدى پايدالانۋ ماسەلەسى ەرەكشە باقىلاۋدا بولادى.
بولجام بويىنشا, قازاقستاندا جەراستى سۋلارىنىڭ كولەمى شامامەن 40 تەكشە كيلومەتردى قۇرايتىنىن, ونىڭ ىشىندە 15 تەكشە كيلومەتر – پايدالانۋعا دايىن قورلار ەكەنىن, قازىرگى ۋاقىتتا ەل ەكونوميكاسىندا جەراستى سۋلارىن پايدالانۋ ۇلەسى نەبارى 7-10% -دى قۇرايتىنىن ايتقان سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ: ء«بىز اۋىز سۋمەن جابدىقتاۋ, سۋارۋ جانە جايىلىمدىق مال شارۋاشىلىعى ءۇشىن جەراستى سۋ رەسۋرستارىن بەلسەندى پايدالانۋعا نيەتتىمىز. بۇل رەتتە ەلىمىزدىڭ جەراستى سۋ قورلارىنىڭ سارقىلۋىنا جانە لاستانۋىنا جول بەرىلمەيدى», دەدى.
