قوعامدىق ءتارتىپتى ناسيحاتتاۋعا ارنالعان كەزدەسۋلەر ەلوردانىڭ ءاربىر اۋدانىندا ورنالاسقان مەكتەپتەردە ۇيىمداستىرىلادى.
ايتا كەتەرلىگى, مەملەكەت باسشىسى دالاداعى, كوشەدەگى ۆانداليزم, كەيبىر ازاماتتارىمىزدىڭ تارتىپسىزدىگى, مادەنيەتسىزدىگى, نەشە ءتۇرلى تۇرمىستىق جانجالدار ەلىمىزدىڭ حالىقارالىق ارەناداعى ابىرويىنا نۇقسان كەلتىرەتىنىنە باسا نازار اۋداردى. مەملەكەت باسشىسىنىڭ اتالعان جولداۋى اياسىندا بيىل ەلوردادا ۆانداليزممەن كۇرەس جۇمىسى كۇشەيتىلدى.
№10 مەكتەپ-گيمنازياسىندا وتكەن كەزدەسۋگە «قارا شاڭىراق» قوعامدىق بىرلەستىگىنىڭ ديرەكتورى, قازاقستان رەسپۋبليكاسى جۋرناليستەر وداعىنىڭ مۇشەسى, تاريحشى, ەتنولوگ تۇرار ساتتارقىزى, بايقوڭىر اۋدانى اكىمىنىڭ كەڭەسشىسى داۋرەن ىدىرىس جانە اۋداندىق پوليتسيا باسقارماسىنىڭ قىزمەتكەرلەرى قاتىستى.
ءىس-شارا بارىسىندا مەكتەپ وقۋشىلارىنا ۆانداليزم وقيعالارىنىڭ الدىن الۋ بويىنشا تۇسىندىرمە جۇمىستارى جۇرگىزىلدى.
ايتا كەتەيىك, قوعامدىق ءتارتىپتى ساقتاۋعا جانە قالا مۇلكىنە ۇقىپتى بولۋ قاجەت. كەز كەلگەن قۇقىق بۇزۋشىلىق انىقتالىپ, سوڭى جاۋاپكەرشىلىككە اكەلەتىنىن ۇمىتپاڭىز. ىشكى ءتارتىپ, زاڭعا جانە وزگە ادامداردىڭ قۇقىقتارىنا قۇرمەتپەن قاراۋ – بۇل قوعام ۇمتىلۋعا ءتيىس نورمالار.
ايتا كەتەيىك, مەملەكەت باسشىسى «ادىلەتتى قازاقستاننىڭ ەكونوميكالىق باعدارى» اتتى جولداۋىندا زاڭدى قاتاڭ ساقتاۋدى, قوعامدىق ءتارتىپتى قامتاماسىز ەتۋدى تاپسىرعان بولاتىن.
