ۇلتتىق قاۋىپسىزدىك كوميتەتى قىلمىستىق-اتقارۋ كودەكسىنىڭ 92-بابى 3-بولىگىنە سايكەس كارىم ءماسىموۆ پروكۋراتۋرانىڭ سانكتسياسىمەن قىلمىستىق ءىس شەڭبەرىندە بىرقاتار تەرگەۋ ارەكەتتەرىن جۇرگىزۋ ءۇشىن استاناداعى ۇقك تەرگەۋ يزولياتورىنا قالدىرىلعانى بەلگىلى بولدى.
«ۇقك ك.ماسىموۆكە قاتىستى قر قك-نىڭ 218-بابى «قىلمىستىق جولمەن الىنعان اقشانى جانە وزگە دە م ۇلىكتى زاڭداستىرۋ (جىلىستاتۋ)» جانە 366-بابى «اسا ءىرى كولەمدە پارا الۋ» بويىنشا سوتالدى تەرگەپ-تەكسەرۋدى جالعاستىرىپ جاتقانىن حابارلايمىز», دەلىنگەن كوميتەت تاراتقان حابارلامادا.
ەسكە سالايىق, استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆتى 18 جىلعا جانە ونىڭ ورىنباسارلارى ا.سادىقۇلوۆتى 16 جىلعا, د.ەرعوجيندى 15 جىلعا قاماۋ ۇكىمىن كەسسە, م.وسيپوۆ بيلىك پەن لاۋازىمدىق وكىلەتتىگىن اسىرا پايدالانۋ بابىمەن 3 جىلعا باس بوستاندىعىنان ايىرىلعان ەدى.
