اشىق دەرەككوز
جاڭا ءوندىرىس الاڭىنىڭ اۋماعى 100 مىڭ شارشى مەترگە جۋىقتايدى. ينۆەستورلار جوباعا 100 ملرد تەڭگەدەن استام قارجى سالايىن دەپ وتىر. 1500-گە جۋىق جاڭا جۇمىس ورنى پايدا بولماق. قر پرەمەر-ءمينيسترىنىڭ ءبىرىنشى ورىنباسارى رومان سكليار قازاقستان مەن وڭتۇستىك كورەيا اراسىنداعى ىنتىماقتاستىقتىڭ نىعايىپ كەلە جاتقانىن اتاپ ءوتتى.
«وتكەن جىلعى ەكى ەلدىڭ تاۋار اينالىمى التى جارىم ملرد دوللاردان اسىپ, رەكوردتىق كورسەتكىشكە جەتتى. وڭتۇستىك كورەيا ەلى ەڭ ءىرى ينۆەستورلار قاتارىنا ەنەدى. قوستانايدا سالىناتىن ماشينا جاساۋ زاۋىتى – سەرپىندى تەحنولوگيالىق جوبا. بۇگىندە مەملەكەت باسشىسى يندۋستريالىق جوبالاردى جاڭعىرتۋعا باسا نازار اۋدارىپ وتىر. سوندىقتان بۇل – ەلىمىزدىڭ اۆتوونەركاسىپ سالاسىنا سەرپىن بەرەتىن ماڭىزى زور تاريحي قادام. شەتەلدىك ارىپتەستەرىمىزبەن بىرلەسىپ قولعا الىنىپ وتىرعان تۇڭعىش وندىرىستىك جوبانىڭ ءبىرى. ەكى ەل اراسىنداعى ىنتىماقتاستىق جالاقىسى جوعارى جۇمىس ورىندارى مەن بىلىكتى ماماندار بۋىنىن قالىپتاستىرادى. جوبانىڭ ەكونوميكالىق تيىمدىلىگى زور», دەدى رومان سكليار.
زاۋىت 2025 جىلى اشىلادى.
