فوتو: اباي وبلىسىنىڭ اكىمدىگى
ءورت سالدارىنان 60 مىڭ گەكتار ورمان قورى جويىلعان. «سەمەي-ورمانى» رەزەرۆاتى نوۆوشۋلبينسك فيليالىنىڭ 14 قىزمەتكەرى قازا بولعان.
تەرگەپ-تەكسەرۋ ناتيجەسىنە قاراعاندا قىلقانجاپىراقتى اعاشتىڭ دىڭىنە نايزاعاي ءتۇسىپ (قۇرعاق نايزاعاي), جەر جامىلعىسىنىڭ تۇتانۋىنا سەبەپ بولعان.
بۇل نۇسقا ساراپشى, مامان قورىتىندىلارىمەن, فوتو/ۆيدەو تۇسىرىلىمدەرىمەن, كۋالاردىڭ ايعاقتارى جانە قىلمىستىق ءىستىڭ باسقا دا قۇجاتتارىمەن راستالادى.
ءورت كەزىندە «سەمەي-ورمانى» رەزەرۆاتى جانە نوۆوشۋلبينسك فيليالىنىڭ باسشىلىعى وزدەرىنە زاڭمەن جۇكتەلگەن ءورت ءسوندىرۋ وكىلەتتىكتەرىن ورىنداماعان, جاعدايدى تەرىس باعالاعان جانە ءورت ءسوندىرۋ كەزىندە قاۋىپسىزدىك ەرەجەلەرىنىڭ ساقتالۋىن قامتاماسىز ەتپەگەن, ناتيجەسىندە 14 ادامنىڭ ولىمىنە اكەلىپ سوققان.
«سەمەي-ورمانى» رەزەرۆاتى جانە نوۆوشۋلبينسك فيليالى باسشىلىعىنىڭ ءىس-ارەكەتتەرى قىلمىستىق كودەكستىڭ 292 بابىنىڭ 3 بولىگىمەن سارالانىپ ء(ورت قاۋiپسiزدiگi تالاپتارىن بۇزۋ, ابايسىزدا ەكى نەمەسە ودان دا كوپ ادامنىڭ ولىمىنە اكەپ سوعۋ, 5 جىلدان 10 جىلعا دەيىن باس بوستاندىعىنان ايىرۋ جازاسى كوزدەلگەن), «ۇيقاماق» تۇرىندەگى بۇلتارتپاۋ شاراسى قولدانىلدى.
ەكولوگيا جانە تابيعي رەسۋرستار, توتەنشە جاعدايلار مينيسترلىكتەرىنىڭ لاۋازىمدى تۇلعالارىنىڭ ارەكەتسىزدىك دەرەگىمەن تىركەلگەن سوتقا دەيىنگى تەرگەپ-تەكسەرۋ جالعاسىپ جاتىر.
مامانداردىڭ قورىتىندىلارى الىنعاننان سوڭ بارلىق لاۋازىمدى تۇلعالاردىڭ ارەكەتتەرىنە قۇقىقتىق باعا بەرىلەتىن بولادى. قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە اقپارات جاريا ەتىلۋگە جاتپايدى.
