فوتو: تابىلدى قادىربەكوۆ
قىزدىق اتا-اناسى جەلىدە جەلدەي ەسىپ جۇرگەن «زورلادى» دەگەن اقپاراتتى جوققا شىعارىپ, كارىمحان ەسىمدى تۇرعىن جەتى جاسار جەتكىنشەككە ء«تاتتى بەرەمىن» دەپ الداپ, ءوز ۇيىنە كىرگىزىپ العانىن ايتتى.
«كورشىنىڭ قىزىنا «دالادا تۇرا تۇر» دەگەن. سودان مەنىڭ قىزىمدى ۇيگە كىرگىزگەن. كىرگەننەن كەيىن قولىنان جەتەكتەپ جاتىن بولمەگە اپارعان. ءوزى توسەككە وتىرىپ, قىزىمدى الدىنا الىپ, دەنەسىن سيپالاپ ۇستاعان. قىزىمنىڭ ايتۋىنشا, ول ونى ءبىراز ۋاقىت ۇستاپ وتىرىپ, كەيىن ءوزىنىڭ شالبارىن تىزەسىنە دەيىن تۇسىرگەن. ابىروي بولعاندا, سول ساتتە سىرتتا كۇتىپ تۇرعان وزگە قىز قاقپادان كىرىپ قالعان. ءسويتىپ كورشىسى ساسقانىنان قىزدىڭ قولىنا ەكى المانى ۇستاتىپ, ۇيدەن شىعارىپ جىبەرگەن», دەدى كىشكەنتاي قىزدىڭ اناسى.
جەرگىلىكتى جەدەل ۋاكىلدەر تەرگەۋ امالدارى جۇرگىزىلىپ جاتقانىن ايتتى. قوزعالعان باپقا سايكەس, كۇدىكتى 20 جىل نەمەسە ءومىر بويى تەمىر تورعا قامالۋى مۇمكىن.
«قر قك 121-بابىنىڭ 4-بولىگى بويىنشا اۋداندىق پوليتسيادا دەرەۋ تىركەلدى. جەدەل ىزدەستىرۋ ءىس-شاراسى بارىسىندا پوليتسيا قىزمەتكەرلەرى 1974 جىلعى ك. ەسىمدى كۇدىكتى ازاماتتى ۇستادى. سوت سانكتسياسىمەن ۇستالعان ادام سوتقا دەيىنگى تەرگەۋ جۇرگىزۋ كەزىندە ەكى اي مەرزىمگە قاماۋعا الىندى», دەدى جامبىل اۋدانى پب باستىعىنىڭ ورىنباسارى عالىم ناريمان ۇلى.
