فوتو: اشىق دەرەككوز
بايدىبەك اۋدانى بويىنشا سايلاۋعا 3 كانديدات قاتىسىپ, سايلاۋشىلار تىزىمىنە 28 مىڭ 807 ازامات ەنگىزىلگەن. داۋىس بەرۋگە – 16 مىڭ 729 سايلاۋشى قاتىستى. 9 مىڭ 379 داۋىسپەن 1973 جىلى تۋعان, «ERNUR» كورپوراتسياسى جشس ديرەكتورى بولىپ قىزمەت اتقارعان ەرلان زايىپ ۇلى نۇرماحانوۆ اتالعان اۋداننىڭ اكىمى بولىپ سايلاندى.
ماقتاارال اۋدانىنىڭ اكىمى لاۋازىمىنا 3 ادام ۇمىتكەر بولىپ, سايلاۋشىلار تىزىمىنە ەنگىزىلگەن 70 مىڭ 648 ازامات اراسىنان داۋىس بەرۋگە – 46 مىڭ 114 سايلاۋشى قاتىسقان. 29 مىڭ 338 داۋىسپەن ماقتاارال اۋدانىنىڭ اكىمى بولىپ 1962 جىلى تۋعان, وسىعان دەيىن دە اتالعان اۋداننىڭ اكىمى لاۋازىمىندا بولعان باحىت ءناسىرحان ۇلى اسانوۆ سايلانىپ وتىر.
سوزاق اۋدانى بويىنشا سايلاۋعا 3 كانديدات قاتىسقان. سايلاۋشىلار تىزىمىنە 35 مىڭ 715 ازامات ەنگىزىلىپ, داۋىس بەرۋگە – 23 مىڭ 948 سايلاۋشى قاتىستى. سوزاق اۋدانى اكىمى بولىپ 16 مىڭ 016 داۋىس جيناعان 1967 جىلى تۋعان, بۇعان دەيىن دە اتالعان اۋدان اكىمىنىڭ قىزمەتىن اتقارىپ كەلگەن مۇحيت سەكسەنباي ۇلى تۇرىسبەكوۆ سايلاندى.
ال شاردارا اۋدانىندا 3 ۇمىتكەر تىركەلىپ, سايلاۋشىلار تىزىمىنە 44 مىڭ 109 ازامات ەنگىزىلگەن, داۋىس بەرۋگە – 29 مىڭ 929 سايلاۋشى قاتىسقان. 18 مىڭ 259 داۋىسپەن شاردارا اۋدانىنىڭ اكىمى بولىپ 1977 جىلى تۋعان, شاردارا اۋداندىق ءماسليحاتىنىڭ توراعاسى قىزمەتىن اتقارعان ارمان رومان ۇلى قارسىباەۆ سايلانىپ وتىر.
