ۇمىتكەرلەر اراسىندا بۇگىندە اكىم لاۋازىمىندا جۇرگەندەر دە بار. سايلاۋ ناۋقانىنا ءبىر وبلىستىق, 5 اۋماقتىق سايلاۋ كوميسسيالارى مەن 159 ۋچاسكەلىك كوميسسيا جاساقتالعان. سايلاۋ كوميسسيالارىنىڭ 887 مۇشەسى قاتىستى.
سايلاۋشىلاردى بارىنشا حاباردار ەتۋ ءۇشىن وبلىس اكىمىنىڭ سايتىندا ء«وز سايلاۋ ۋچاسكەڭدى تاپ» سەرۆيسى, 5 اۋداندا جانە وبلىس ورتالىعىندا كولل-ورتالىقتاردىڭ جۇمىسى (109 ءنومىرى), «كaspi Bank» سەرۆيسى ارقىلى SMS جىبەرۋ, «Halyk Bank»-تە ء«وزىڭدى تەكسەر» سەرۆيسى ۇيىمداستىرىلعان, بۇدان باسقا ءاربىر اۋداندىق كوميسسيادا Facebook الەۋمەتتىك جەلىسى بار, وندا سايلاۋ ناۋقانىنىڭ بارىسى كورسەتىلەدى.
– شورتاندى اۋدانىندا بارلىعى 19 586 سايلاۋشى بار. ساعات 12.00-گە دەيىن ساۋلاۋشىلاردىڭ 7 898-ءى داۋىس بەرىپ ۇلگەردى. ەل وسى سايلاۋدان ۇلكەن ءۇمىت كۇتىپ وتىر. اسىرەسە اعا بۋىن وكىلدەرى بەلسەندىلىك تانىتتى, – دەيدى اۋماقتىق سايلاۋ كوميسسياسىنىڭ توراعاسى مارات اتاباەۆ.
مۇگەدەك جاندار ءۇشىن ءار ۋچاسكەدە بارلىق قاجەتتى بۇرىشتار دايىندالىپ, داۋىس بەرۋلەرى ءۇشىن ىڭعايلى جاعداي جاسالدى. سونىمەن قاتار, ءار اۋداننىڭ سايلاۋشىلارىنا داۋىس بەرۋ كەزىندە ەلەكتروندىق كۋالىكتەرىن اكەلۋگە بولاتىندىعى تۋرالى ەسكەرتىلدى.
– اۋداندا 35 سايلاۋ ۋچاسكەسى بار, وندا 183 ادام قىزمەت كورسەتىپ جاتىر. ساعات 11.00-دە 15 053 سايلاۋشىنىڭ 6 729-ى داۋىس بەردى. ءوز تاڭداۋىن جاساۋعا اسىققان ارداگەرلەر دە از ەمەس. ماسەلەن, 93 جاستاعى نيكولاي كولەسنيكوۆ, 70-تەن اسقان ەل اعاسى ەگىنباي وسپانوۆ تاڭ سارىدەن كەلىپ داۋىس بەردى. ارداگەرلەردىڭ ەل بولاشاعىنا الاڭداعان اق پەيىلدەرى جاستار ءۇشىن ونەگە ەمەس پە؟! كەيبىر سايلاۋ ۋچاسكەلەرىندە ازداعان كەزەك تە بولىپ جاتىر. بۇل كورىنىس ادامداردىڭ جاۋاپكەرشىلىگى مەن ەرتەڭگە دەگەن سەنىمىن كورسەتەدى, – دەيدى استراحان اۋدانىنداعى اۋماقتىق سايلاۋ كوميسسياسىنىڭ توراعاسى بالتاش ساعىناەۆ.
سايلاۋ كوميسسيالارىنىڭ بارلىق مۇشەسى ءتيىستى دايىندىقتان وتكەن جانە سايلاۋ وتكىزۋگە دايىندالعان, بارلىق ۋچاسكە قاجەتتى قۇرال-جابدىقتارمەن تولىق قامتاماسىز ەتىلگەن. وڭىردەگى سايلاۋ ۋچاسكەلەرىمەن حابارلاسقانىمىزدا جۇمىستىڭ بىرقالىپتى وتكىزىلىپ جاتقاندىعىن حابارلادى.
– ساعات 16.00-گە دەيىن وڭىردەگى بارلىق سايلاۋشىلاردىڭ 58,81 پايىزى داۋىس بەردى. جاقسى جانە شورتاندى اۋداندارىنداعى سايلاۋشىلاردىڭ بەلسەندىلىگى جوعارى, – دەپ مالىمدەدى وبلىستىق سايلاۋ كوميسسياسىنىڭ توراعاسى ماناربەك ءسادۋوۆ.
اقمولا وبلىسى
