نەپالدىڭ ۇلتتىق جەر سىلكىنىسىن باقىلاۋ جانە زەرتتەۋ ورتالىعى 6,4 بالدىق جەر سىلكىنىسىن تىركەدى. جەر سىلكىنىسىنىڭ وشاعى نەپال استاناسى كاتماندۋدان 400 شاقىرىم جەردە ورنالاسقان دجاياركوت ايماعىندا بولدى. اقش-تىڭ گەولوگيالىق قىزمەتى جەر سىلكىنىسىنىڭ كۇشىن 5,6, ءۇندىستاننىڭ سەيسمولوگيالىق ورتالىعى 6,4, پوتسدامداعى نەمىس گەوفيزيكا زەرتتەۋ ورتالىعى (Geoforschungszentrum, GFZ) 6,2 بالل دەپ باعالادى.
ادامدار ءۇيىندى استىندا قالىپ قويعاندىقتان قازا تاپقاندار سانى ارتۋى مۇمكىن.
بۇقارالىق اقپارات قۇرالدارىنىڭ حابارلاۋىنشا, نەپالداعى جەر سىلكىنىسىنىڭ دۇمپۋلەرى ءتىپتى ءۇندىستان استاناسى نيۋ-دەليدە دە سەزىلگەن.
ۇكىمەت ىزدەۋ-قۇتقارۋ جۇمىستارىنا كومەكتەسۋ ءۇشىن قاۋىپسىزدىك كۇشتەرىن جىبەردى.
نەپالدا جەر سىلكىنىسى ءجيى بولىپ تۇرادى. 2015 جىلى 7,8 بالدىق جەر سىلكىنىسى 9 مىڭعا جۋىق ادامنىڭ ءومىرىن قيىپ, ميلليونعا جۋىق عيماراتتى زاقىمدادى.
