قازا تاپقان كەنشىلەر وتباسىنا كورسەتىلەتىن كومەك

اتاپ ايتقاندا, كەلەسى قولداۋ شارالارى قاراستى­رىلعان:

– كومپانيا قاراجاتى ەسەبىنەن وتباسىلارعا باسپانا ساتىپ الۋ;

– مورالدىق زيان ءۇشىن 10 جىلدىق جالاقى مولشەرىندە بىر­جولعى تولەم;

– اسىراۋىندا بولعان بالالارعا 18 جاسقا تولعانعا دەيىن اي سايىنعى ساقتاندىرۋ تولەمى (جوو ستۋدەنتى بولسا, 23 جاسقا دەيىن);

– مەملەكەتتىك الەۋمەتتىك ساق­تاندىرۋ قورىنان جالا­قىسىنا بايلانىستى اي سايىنعى تولەم;

– قامقورلىقتاعى ادامداردىڭ سانىنا بايلانىستى اسىراۋشىسىنان ايىرىلۋ جاعدايى بو­يىنشا اي سايىنعى مەملەكەتتىك جار­دەم­اقى;

– جۇمىس بەرۋشىنىڭ قاراجاتى ەسەبىنەن وتباسىلاردىڭ نەسيەلەرىن وتەۋ;

– جەرلەۋگە بايلانىستى بارلىق شىعىنداردى وتەۋ;

– قازا تاپقانداردىڭ بالالارى مەن جۇبايلارىن جۇمىسقا ورنالاس­تىرۋ;

– 23 جاسقا دەيىنگى بالالاردىڭ وقۋ اقىسىن تولەۋ;

– قازا تاپقانداردىڭ جۇبايلارى مەن بالالارىنا ساناتوري-كۋرورت­تىق ەمدەلۋگە جولدامالار بەرۋ;

–  ءۇيدى پەشپەن جىلىتاتىن وتبا­سىلارىنا جىل سايىن كومىر ءبولۋ.

مەملەكەت باسشىسىنىڭ تاپسىرماسىنا سايكەس «ارسەلورميتتال تەمىرتاۋ» اق-نىڭ قازا تاپقان قىز­مەت­كەر­لەرىنىڭ وتباسىلارىنا بار­لىق قاجەتتى كومەك كورسەتۋ ماسەلەلەرى ەل ۇكىمەتىنىڭ ەرەكشە باقىلاۋىندا بولادى.