ماڭعىستاۋ سۋرەتشىلەرى ىزگى جوبانى قولعا الىپ, وزدەرىنىڭ بىلىكتىلىگىن ارتتىرۋ ماقساتىندا استانا قالاسىنا ەكسپەديتسيا ۇيىمداستىردى. مەملەكەتتىك گرانت اياسىندا 2023 جىلدىڭ مامىر-شىلدە ايلارى ارالىعىندا «وتپانتاۋ- ۇلىتاۋ» تاقىرىبىنداعى شارانى «اقتاۋ قالالىق سۋرەتشىلەر وداعى» قوعامدىق بىرلەستىگى مەن ماڭعىستاۋ وبلىسىنىڭ مادەنيەت, مۇراعاتتار جانە قۇجاتتاما باسقارماسى بىرلەسە ۇيىمداستىردى.
اتالعان ەكسپەديتسيا اياسىندا قىلقالام شەبەرلەرىنىڭ شىعارمالارىن كەڭ اۋقىمدا تانىتۋ ءۇشىن ارنايى ىرىكتەۋ جۇرگىزىلدى. استانادا ءار وڭىردەن كەلگەن سۋرەتشىلەر جۇمىستارىنىڭ «كۇزگى ۆەرنيساج» اتتى كورمەسىندە «وتپانتاۋ- ۇلىتاۋ» سۋرەتشىلەر ەكسپەديتسياسىنىڭ جۇمىسى قورىتىندىلاندى. سونداي-اق سۋرەتشى ايمۇرات تاڭاتوۆتىڭ ايتۋىنشا, بيىل شىلدەدە ماڭعىستاۋلىق سۋرەتشىلەر اتىراۋ, باتىس قازاقستان, قىزىلوردا جانە تۇركىستان وبلىستارىنا ساپارلاپ, كيەلى ورىنداردى ارالاپ, شەبەرلىك سىنىپتارىن وتكىزگەن.
– ەكسپەديتسيا «قورقىت اتا – قوجا احمەت ياساۋي كەشەنى – وتپانتاۋ – سارايشىق – بوكەي ورداسى» باعىتتارىن قامتىدى. ەكسپەديتسيا بارىسىندا ءوڭىر سۋرەتشىلەرى وسى تاريحي ورىنداردا پلەنەر ۇيىمداستىردى, – دەيدى سۋرەتشى ا.تاڭاتوۆ.
بۇل ەلىمىزدىڭ كيەلى وڭىرلەرى جاڭا كارتينالاردا بەينەلەنەدى دەگەن ءسوز.
ماڭعىستاۋ وبلىسى
