ورنىقتى دامۋ بويىنشا ەسەپ

“قاراشىعاناق پەتروليۋم وپەرەيتينگ ب.ۆ.” (قپو) كومپانياسى ءوزىنىڭ 2009 جىلعى ورنىقتى دامۋى بويىنشا ەسەبىن جاريالاۋ تۋرالى حابارلادى. قپو-نىڭ باس ديرەكتورى دجۋزەپپە پازي ۇندەۋىندە بىلاي دەپ جازدى: “قپو-نىڭ قازاقستانداعى ىسكەرلىك بەلسەندىلىگىنىڭ قۇرامداس بولىگى ورنىقتى دامۋ بولدى. ءبىزدىڭ قازاقستان رەسپۋبليكاسىمەن جانە “قازمۇنايگاز” ۇلتتىق كومپانياسىمەن ارىپتەستىگىمىز ۇكىمەتتىڭ ماقساتتارى مەن مىندەتتەرىنە سايكەس بيزنەسىمىزدى باعدارلاۋعا مۇمكىندىك بەرەدى. ول تۇتاس العاندا ەل ءۇشىن ورنىقتى تابىس الۋعا قامتاماسىز ەتەتىن رەسپۋبليكانىڭ تابيعي رەسۋرستارىن دامىتۋعا كەپىلدىك بولادى”. دجۋزەپپە پازي سونداي-اق ءسوزىن بىلاي ساباقتادى: “قپو-نىڭ كۇش-جىگەرى ەڭبەكتى قورعاۋدىڭ, قاۋىپسىزدىك تەحنيكاسىن جانە قورشاعان ورتانى قورعاۋدىڭ وزىق جۇيەلەرىن قولداۋعا ورنىقتى دامۋدى جۇمىلدىرۋدى قامتاماسىز ەتەدى. كورپوراتيۆتىك باسقارۋدىڭ ورنىقتى قاعيداتتارىن قولدانا وتىرىپ, ۇزدىك تەحنولوگيالاردى وندىرىستىك ۇدەرىسكە ەنگىزۋ جانە باعدارلامالارىمىزدى جەتىلدىرۋ باستى ماقساتىمىز بولىپ قالا بەرمەك. سونىمەن بىرگە الەۋمەتتىك دامۋعا جەرگىلىكتى مازمۇندى جانە ۇلەستى ارتتىرۋدا جۇمىسىمىزدىڭ وزەكتى ماسەلەلەرىنىڭ ءبىرى بولاتىندىعىنا ءشۇبا جوق”. قپو شىعارعان ورنىقتى دامۋ بويىنشا بۇل ەسەپتىڭ ەكىنشى باسىلىمى كومپانيانىڭ 2009 جىلعى قىزمەتىن باياندايدى. ەسەپ تاۋەلسىز راستاۋدى الىپ, ءۇش تىلدە جاريالاندى (قازاق, ورىس جانە اعىلشىن) جانە ونىمەن قپو-نىڭ ۆەب-سايتىندا تانىسۋعا بولادى: www.kpo.kz “قاراشىعاناق پەتروليۋم وپەرەيتينگ ب.ۆ.” “بي دجي گرۋپپ” (32,5 پايىز), “ەني” (32,5), “شەۆرون” (20) جانە “لۋكويل” (15) بىرلەسكەن كاسىپورنى بولىپ تابىلادى. قپو الەمدەگى ەڭ ءىرى مۇناي-گاز كوندەنساتتى كەن ورىندارىنىڭ ءبىرى – قاراشىعاناق كەن ورنىن يگەرۋ جانە دامىتۋعا باسشىلىق جاسايدى. مارات اققۇل.