فوتو: اشىق دەرەككوز
قايعىلى وقيعا 25 قازان كۇنى اباي وبلىسى اياگوز قالاسىندا بولعان. جەكەمەنشىك ۇيدەن ءورت شىعىپ, وقىس وقيعا سالدارىنان 4 ءبۇلدىرشىننىڭ عۇمىرى قىرشىننان قيىلدى. قازا بولعان بالالاردىڭ ەڭ ۇلكەن ەگىزدەرى نەبارى 8 جاستا, ال ىنىلەرى 3 جانە 2 جاستا بولعان.
بۇل وتباسىن جاقسى بىلەتىن اياگوزدىك تۇرعىننىڭ ايتۋىنشا, اكەسى باۋىرجان اياگوز قالاسىنداعى قازىعۇل اۋرۋحاناسىندا جەدەل جاردەم كولىگىنىڭ جۇرگىزۋشىسى. اناسى اراي ناۋرىزباەۆا جۇمىسسىز.
«وتباسى شاعىن مال شارۋاشىلىعىمەن اينالىسىپ, ءسۇت ونىمدەرىن ساتادى. اۋداندىق باسشىلار 1989 جىلعى «Volkswagen Passat» كولىگى بار, تابىسى كوپ دەپ مەملەكەتتەن الىپ وتىرعان ااك-ءتى كەسىپ تاستاعان. اناسى 4 بالاعا ناپاقا بولسىن دەپ ءسۇت ساتادى. بازارعا جۇگىرىپ بارىپ كەلگەندە ق ۇلىنشاقتارىنىڭ ورنىن سيپاپ قالعان. وتباسىنىڭ تۇرىپ جاتقان ءۇيى باۋىرجان ءفايزۋلليننىڭ اتا-اناسىنا تيەسىلى. اراي دا, باۋىرجان دا ەس-ءتۇسسىز كۇيدە قالدى», دەدى قالا تۇرعىنى massaget.kz سايتىنا بەرگەن اقپاراتىندا.
سونداي-اق بالالاردىڭ ۇيدە جالعىز قالعاندارى انىقتالدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا «وزگەرىس داۋىرىندەگى ەڭبەك نارىعى» اتتى حالىقارالىق كونفەرەنتسيا كۋلۋارىندا ايتتى.
«قازىرگى ۋاقىتتا كوميسسيا جۇمىس جۇرگىزىپ جاتىر. بالالاردىڭ اكەسى جەدەل جاردەم قىزمەتىندە جۇمىس ىستەيدى, اناسى ازىق-ت ۇلىك الۋعا شىعىپ كەتكەن. بالالار ۇيدە جالعىز قالعان. نەگىزى بالالاردى جالعىز قالدىرۋعا بولمايدى. كوميسسيا ءوز شەشىمىن شىعارادى. ءبىزدىڭ تاراپىمىزدان تەك قانا جاردەمدەسۋ – پسيحولوگيالىق قولداۋ كورسەتۋ», دەدى مينيستر.
اباي وبلىسى پوليتسيا دەپارتامەنتىنىڭ حابارلاۋىنشا, جازاتايىم وقيعاعا بايلانىستى سوتقا دەيىنگى تەرگەۋ جۇمىستارى باستالدى.
«اياگوز قالاسىندا جاس بالالاردىڭ كومىرتەگى توتىعىنان قايتىس بولۋىنا بايلانىستى جازاتايىم وقيعا فاكتىسى بويىنشا اباي وبلىسى پد اياگوز اۋداندىق پوليتسيا بولىمىمەن سوتقا دەيىنگى تەرگەۋ باستالدى. بىرقاتار ساراپتاما تاعايىندالدى, سوتقا دەيىنگى تەرگەۋ ءجۇرىپ جاتىر. وزگە اقپارات تەرگەۋ مۇددەسىندە, قر قپك-ءنىڭ 201-بابىنا سايكەس جاريا ەتۋگە جاتپايدى», دەپ حابارلادى دەپارتامەنتتەن.
