فوتو: اشىق دەرەككوز
فورۋمعا قاتىسۋشىلاردىڭ قاتارىندا ەلىمىزگە بەلگىلى عىلىم جانە قوعام قايراتكەرلەرى, سونىڭ ىشىندە قازاقستان رەسپۋبليكاسى پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى ي.ي. روگوۆ, احقو سوتىنىڭ اپپارات باسشىسى كريستوفەر كەمپبەلل, MNU قامقورشىلىق كەڭەسىنىڭ مۇشەسى ا.ا. احمەتوۆ, «قازاقستانداعى پارلامەنتاريزمدى دامىتۋ» قورىنىڭ ديرەكتورى ز.ق. باتتالوۆا, قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ءۇ.ش. شاپاق, ادام قۇقىقتارى جونىندەگى ۇلتتىق ورتالىقتىڭ باسشىسى س.پ. تۇرسىنبەكوۆا, جوعارى سوت كەڭەسى جانىنداعى بىلىكتىلىك كوميسسياسىنىڭ توراعاسى س.ۆ.سيزينتسەۆ, «Fortune Partners» جشس باسقارۋشى ديرەكتورى د.ا. توقمۋرزينا جانە باسقا دا زەرتتەۋشىلەر مەن ساراپشىلار قاتىستى.
Maqsut Narikbayev University پروۆوستى سەرگەي پەن ءوز سوزىندە نارىقتا جاڭا كوزقاراستاعى ماماندارعا دەگەن سۇرانىستىڭ ارتقانىن اتاپ ءوتتى.
«قازىرگى ۋاقىتتا ساياسي كونتەكست وتە قاتتى وزگەرىپ كەتتى. سوندىقتان جاڭا كوزقاراستاعى ماماندارعا دەگەن سۇرانىس ارتتى. ال ستۋدەنتتەرىمىز ءوز پوزيتسياسىن قوعامدىق ورتادا اشىق ايتۋعا ماشىقتانۋ ءۇشىن ءبىز شارانى ديالوگ فورماتىندا ۇيىمداستىردىق. بۇل فورمات ستۋدەنتتەردىڭ باسقا ازاماتتارعا, ولاردىڭ پىكىرلەرىنە ەلىكتەمەي, ماسەلەلەرگە دەگەن جەكە پىكىر مەن كوزقاراستىڭ قالىپتاسۋىنا ىقپال ەتەدى», دەدى ول.
قازاقستان رەسپۋبليكاسى پرەزيدەنتى جانىنداعى ادام قۇقىقتارى جونىندەگى كوميسسيانىڭ توراعاسى ي.روگوۆ فورۋم قاتىسۋشىلارىنا ەگەمەندىك العان كەزەڭدەگى وقيعالار تۋرالى جانە ول وقيعالارعا ءوزىنىڭ قاتىسقانى جايىنداعى ەستەلىكتەردى ايتىپ بەردى. «قازاق كسر-ءنىڭ مەملەكەتتىك ەگەمەندىگى تۋرالى دەكلاراتسيا» قابىلدانعاننان كەيىن عالىمدار مەن زاڭگەرلەر رەسپۋبليكانىڭ جاڭا كونستيتۋتسياسىن ازىرلەۋگە كىرىستى, بىراق 1991 جىلعى وقيعالار زاڭ تراەكتورياسىن جاڭا باعىتقا وزگەرتتى. يگور يۆانوۆيچ ءوز ءسوزىن: «ەگەمەندىك تۋرالى دەكلاراتسيا بولماسا, تاۋەلسىزدىك تە بولماس ەدى», دەپ تۇيىندەدى.
فورۋمعا قاتىسۋشىلار بۇگىنگى قازاقستانداعى وقيعالار جاستارعا ەلدىڭ دامۋ ۇدەرىستەرىنە بەلسەندى ۇلەس قوسۋ مۇمكىندىگىن بەرەتىن ماڭىزدى بەتبۇرىس دەگەن قورىتىندىعا كەلدى.
