باستاما اياسىندا 7 اۋداندىق اۋرۋحانا 18 ءموبيلدى ۋلترادىبىستىق جۇيەگە يە بولدى. سونىمەن قاتار الماتى جانە جەتىسۋ وبلىستارىنىڭ 30 دارىگەرى يننوۆاتسيالىق جابدىقتارمەن جۇمىس ىستەۋدى ۇيرەنىپ, جاتتىقتى. اتالعان جوبانىڭ ماقساتى – شالعاي ايماقتارداعى پاتسيەنتتەرگە جوعارى تەحنولوگيالىق مەديتسينالىق كومەكتىڭ قولجەتىمدىلىگىن ارتتىرۋ. باستامانى جۇزەگە اسىرۋ ءۇشىن ءموبيلدى قوسىمشانىڭ نەگىزىندە جۇمىس ىستەيتىن جانە پلانشەتكە, سمارتفونعا قوسىلعان داتچيكتەر جيىنتىعى – ءپورتاتيۆتى ۋلترادىبىستى جۇيە تاڭدالدى. يننوۆاتسيالىق شەشىم ستاتسيونارلىق ۋلترادىبىستىق جابدىقتى پايدالانۋ مۇمكىن بولماعان كلينيكالىق جاعدايلاردا پاتسيەنتتەردىڭ جاعدايىن جەدەل ۋلترادىبىستى باعالاۋ ءۇشىن ارنايى ازىرلەنگەن. قازاقستانداعى «Philips Healthcare» دەنساۋلىق ساقتاۋ جوبالارىنىڭ جەتەكشىسى جانەتدين شۋتانوۆ, ەڭ الدىمەن, بۇل ەمدەۋ مەكەمەلەرىنەن تىس جەردە, ياعني وقيعا ورنىنداعى قيىن جاعدايلاردا شۇعىل مەديتسينالىق كومەك كورسەتۋگە قولايلى قۇرال ەكەنىن ءتۇسىندىرىپ ءوتتى.
«جوبا اياسىندا مەديتسينالىق كومەكتىڭ ساپاسىن ارتتىرۋعا دارىگەرلەردىڭ وزدەرى ۇلەس قوساتىنى ءسوزسىز. بۇگىن مۇندا انەستەزيولوگ-رەانيماتولوگتەر, كارديولوگتەر, تەراپەۆتتەر, نەۆرولوگتەر, اكۋشەرلەر, گينەكولوگتەر جانە حيرۋرگتەر جينالدى. جەدەل جاردەم دارىگەرلەرى ءۇشىن ءپورتاتيۆتى ۋلترادىبىستى قۇرىلعىلار ءار سەكۋندى ماڭىزدى بولعان كەزدە ناۋقاستىڭ جاعدايىن قاي جەردە ورنالاسقانىنا قاراماستان 3-5 مينۋت ارالىعىندا باعالاۋعا مۇمكىندىك بەرەدى. سونىمەن قاتار كەزەكشى كارديولوگتەردىڭ كۇندەلىكتى تاجىريبەسىنە ءپروتاتيۆتى ۋلترادىبىستى ەنگىزۋ دياگنوستيكالىق جانە ەمدەۋ ۇدەرىسىن ۋاقىتتى ۇنەمدەۋ ارقىلى وڭتايلاندىرۋعا مۇمكىندىك بەرەدى. ءبىزدىڭ ەسەپتەۋىمىز بويىنشا شۇعىل جاعدايلاردا كارديولوگتەردىڭ شەشىم قابىلداۋ ۋاقىتى ورتا ەسەپپەن 75 مينۋتقا قىسقارادى. بۇل شۇعىل كومەك ءۇشىن وتە ماڭىزدى», دەدى ج.شۋتانوۆ.
ءىس-شارا بارىسىندا نيدەرلاندتىڭ ورتالىق ازياداعى ەلشىسى نيكو سحەرمەرس ونلاين ارقىلى نيدەرلاندتىق كوممەرتسيالىق ەمەس كومپانيا مەن قازاقستان اراسىنداعى قۇندى ىنتىماقتاستىقتىڭ ورناعانىنا قۋانىشتى ەكەنىن جەتكىزدى.
بۇگىندە حالىق سانى 1,5 ملن-عا جۋىقتايتىن الماتى وبلىسى تۇرعىندارىنىڭ 95 پايىزى – اۋىل تۇرعىندارى. ولارعا 398 مەديتسينالىق نىساندا قىزمەت كورسەتىلەدى. مۇنىڭ 340-ى – مەملەكەتتىك, 58-ءى – جەكەمەنشىك نىسان. وسىلاردىڭ بارلىعىندا 10 مىڭنان اسا مەيىربيكە, 3 مىڭنان اسا دارىگەر جۇمىس ىستەيدى.
«دەنساۋلىق ساقتاۋ جۇيەسى كوۆيدتەن كەيىنگى كەزەڭنەن سوڭ مەديتسينالىق كومەك كورسەتۋ ساپاسىن ارتتىرۋ ءۇشىن ءوز تاجىريبەسىنە جاڭا ستاندارتتار مەن تەحنولوگيالاردى ەنگىزىپ جاتىر. ءپروتاتيۆتى جابدىق شۇعىل جاعدايلاردا پاتسيەنتتەردى ەمدەۋدى جاڭا دەڭگەيگە شىعاراتىنىنا, مەديتسينالىق مەكەمەلەردىڭ مۇمكىندىگىن كەڭەيتەتىنىنە جانە ءوڭىردىڭ اۋداندىق ەلدى مەكەندەرىنىڭ 300 مىڭعا جۋىق تۇرعىنىنا ساپالى مەديتسينالىق كومەك كورسەتەتىنىنە سەنىمدىمىن. بۇگىن تالعار اۋدانىنا جانە شالعايداعى رايىمبەك پەن كەگەن اۋداندارىنا 9 جۇيە بەرىلدى. ناۋقاستارعا تەگىن قىزمەت كورسەتىلەدى. تيىمدىلىگى ارتىپ جاتسا, كوبەيتۋگە تاپسىرىس بەرەمىز», دەدى الماتى وبلىسى دەنساۋلىق ساقتاۋ باسقارماسىنىڭ باسشىسى ءلاززات اقتاەۆا.
ء«پروتاتيۆتى ۋلترادىبىستى جۇيەلەردىڭ كومەگىمەن الماتى جانە جەتىسۋ وبلىستارىنىڭ دارىگەرلەرى ءاربىر دياگنوزعا سەنىمدى بولۋ ءۇشىن ۆيزۋاليزاتسيا جۇرگىزە الادى. ال ۋاقتىلى دياگنوز قويۋ – ءتيىمدى ەمدەۋدىڭ كەپىلى», دەدى ء«سابي» قايىرىمدىلىق قورىنىڭ پرەزيدەنتى اسەل تاسماعامبەتوۆا.
قۇرىلعانىنا 21 جىل بولعان بۇل قور بەلسەندى ءارى ۇزدىكسىز قىزمەت بارىسىندا رەسپۋبليكالىق ماڭىزى بار 10-نان اسا بىرەگەي باعدارلامانى ازىرلەپ, ىسكە قوسقانىن ايتۋ ارتىق ەتپەس.
الماتى وبلىسى
