قۇرىلىسى 2014 جىلى باستالعان كوتتەدج قالاشىعىن سالۋ ءۇشىن 8 ملرد تەڭگەگە جۋىق بيۋدجەت قارجىسى بولىنگەن.
تۇرعىن ۇيلەر 2019 جىلدان باستاپ پايدالانۋعا بەرىلە باستادى. الايدا, مەملەكەتتىك باعدارلاما ارقىلى باسپاناعا قول جەتكىزگەن تۇرعىنداردىڭ قۋانىشى ۇزاققا سوزىلماي, كوتتەدج قالاشىعىنداعى ۇيلەردىڭ ساپاسى سىن كوتەرمەيتىنى ايتىلدى. سودان بەرى "بەرەكە" اتاۋىن يەلەنگەن شاعىن اۋدانعا قاتىستى شۋ تولاستاعان جوق.
جاقىندا ماسەلەگە جەتىسۋ وبلىسىنىڭ پروكۋراتۋراسى ارالاسىپ, كوتتەدج قالاشىعىنا بولىنگەن قارجىنىڭ يەگەرىلۋى مەن قۇرىلىس ساپاسىنا قاتىستى تەكسەرۋ باستاعان-دى. ناتيجەسىندە تەرگەۋ اياقتالىپ, ءىس سوتقا جولداندى.
- پروكۋرورلىق تەكسەرۋدى باستاۋعا بۇقارالىق اقپارات قۇرالدارىندا بىرنەشە رەت قۇرىلىسى اياقتالماعان ۇيلەر تۋرالى جاريالانىمدار سەبەپ بولدى. قىلمىستىق ءىستى تەرگەۋ شەڭبەرىندە مەردىگەر كەلتىرىلگەن زالالدى وتەدى, ونىڭ ىشىندە 36 ءۇيدى ءوز قاراجاتىنا سالدى, - دەيدى جەتىسۋ وبلىسى پروكۋراتۋراسىنىڭ وكىلى.
سوت ۇكىمىمەن مەردىگەر ۇيىمنىڭ باسشىسى, قۇرىلىستى تەحنيكالىق قاداعالاۋدى جۇزەگە اسىراتىن كومپانيانىڭ جۇمىسكەرلەرى جانە تاپسىرىس بەرۋشى - «تالدىقورعان قالاسىنىڭ قۇرىلىس ءبولىمى» مم-ءنىڭ لاۋازىمدى تۇلعالارى قىلمىستىق كودەكستىڭ 189-بابىنىڭ 4-بولىگى, 361-باپتىڭ 4-بولىگى جانە 280-بابىنىڭ 1-بولىگى بويىنشا كىنالى دەپ تانىلىپ, سوتتالدى.
