تۇرعىنداردىڭ سوزىنشە, ەكى اراعا قاتىنايتىن قوعامدىق كولىكتەر وتىز جىلدان بەرى جاڭارتىلماعان كورىنەدى. ال جەلىدە شۋ تۋدىرعان اۆتوبۋس «كەرۋەن» جشس-ىنا تيەسىلى.
اقتوبە وبلىسى اكىمدىگى جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە, وڭىردەگى اۋداندارعا 11 باعىت بويىنشا جولاۋشىلار تاسىمالى ۇيىمداستىرىلعان. اقتوبەدەن حرومتاۋ, قوبدا, مارتوك, العا باعىتتارى بار.
«حرومتاۋ باعىتىندا قيىن جاعداي تۋىنداپ تۇر. جاۋاپتى «كەرۋەن» جشس-نىڭ اۆتوبۋستارى ەسكىرگەن. كەلىسىمشارت 2013 جىلى جاسالعان. 10 جىل بولدى. ال اۆتوبۋستارى 90-شى جىلعى. ەسكى اۆتوبۋستار بولعان سوڭ ول شارت تالاپتارىن ورىنداي الماي وتىر. كۇندەلىكتى 10-12 رەيس جاساۋ كەرەك بولسا, ول كۇنىنە 3-6 رەيس قانا شىققان. سوندىقتان بيىل تامىز ايىندا «قالا ترانس» جشس شاقىرىلىپ, ولار قوسىمشا 5 اۆتوبۋستى جەلىگە شىعاردى. وكىنىشكە قاراي, جول ناشار, اۆتوبۋستار دا ەسكى. ءجيى-ءجيى جولدا بۇزىلىپ قالادى», دەدى باسقارمانىڭ ءبولىم باسشىسى ەسبول بازارعاليەۆ.
بەلگىلى بولعانداي, «قالا ترانس» جشس-مەن تاعى قوسىمشا اۆتوبۋستار شىعارۋعا كەلىسىم جاسالعان. ءارى جاڭا اۆتوبۋس بولماعانىمەن, جاعدايى جاقسى بولۋى ءتيىس دەپ تالاپ قويىلدى.
جاۋاپتى باسقارما وكىلى «كەرۋەن» جشس-عا تيەسىلى اۆتوبۋستار 1989-1990 جىلدارى الىنعانىن اتاپ ءوتتى.
«ولاردا 8 عانا اۆتوبۋس بار. ۆيدەونى كوردىك. بۇل كۇنى «Volvo» اۆتوبۋسى شىققان. وعان شارا قولدانامىز», دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنان.
