فوتو: اشىق دەرەككوز
«كوپتەگەن ازامات ءوزىنىڭ قارجىلىق قۇقىعىن بىلە بەرمەيدى. سونىڭ سالدارىنان قايتا-قايتا قارىزعا ۇرىنىپ جاتادى. وسىنىڭ الدىن الۋ ءۇشىن «AMANAT» پارتياسى «قارىزسىز قوعام» جوباسىن باستاعان بولاتىن. بۇل باعدارلاما قىسقا ۋاقىتتىڭ ىشىندە تيىمدىلىگىن كورسەتتى. پرەزيدەنت تە ءوز جولداۋىندا «قارىزسىز قوعام» جوباسىنا ەرەكشە توقتالىپ, جالپىحالىقتىق باعدارلاماعا اينالدىرۋ كەرەكتىگىن ايتتى. قازىر بۇل جوبا ۇكىمەتپەن, قۇزىرلى ورگاندارمەن جانە جەرگىلىكتى اكىمدىكتەرمەن بىرگە بۇكىل ەل بويىنشا ىسكە اسىرىلا باستادى. بۇگىنگى تاڭدا 52 000 ادام وقىتىلدى», دەدى ءماجىلىس توراعاسى.
بۇدان سوڭ ەرلان قوشانوۆ ءجون-جوسىقسىز كرەديت الۋ ازايمايتىن بولسا, مەملەكەت تاراپىنان حالىقتىڭ تابىسىن كوتەرۋگە باعىتتالعان شارالاردىڭ ناتيجە بەرۋى ەكىتالاي ەكەنىن ايتتى.
«ەڭ باستىسى بۇل ءار ازاماتقا, ءار وتباسىنا تىكەلەي قاتىستى وتكىر ماسەلە. سوندىقتان ءبىز بۇل پروبلەمانى مۇقيات زەرتتەپ, وڭتايلى شەشىمىن تابۋىمىز كەرەك», دەدى ول.
