فوتو: استانا قالاسىنىڭ اكىمدىگى
ءىس-شاراعا توتەنشە جاعدايلار ءمينيسترى سىرىم ءشارىپحانوۆ, تجد باسشىلارى جانە قىزمەت بابىندا قازا تاپقان قىزمەتكەرلەردىڭ جاقىندارى مەن تۋىستارى قاتىستى.
ءىس-شارا سوڭىندا ازاماتتىق قورعاۋ ورگاندارىنا جاڭادان كەلگەن قىزمەتكەرلەردەن انت قابىلداۋ ءراسىمى ءوتتى.
ەسكە سالا كەتسەك, 19 قازان كۇنى ەلىمىزدە جىل سايىن قۇتقارۋشىلار كۇنى اتاپ وتىلەدى.
«قۇتقارۋشىلار كۇنىنىڭ قارساڭىندا وسىنداي ەسكە الۋ شاراسىن وتكىزىپ وتىرمىز. تاۋەلسىزدىك جىلدارىندا 69 ءورت ءسوندىرۋشى, قۇتقارۋشى, وفيتسەر, سەرجانت زارداپ شەككەن حالىققا كومەكتەسىپ, قىزمەت بارىسىندا ەرلىكپەن قازا تاپقان. ەرلىكپەن قازا تاپقاندار ماڭگى ەل ەسىندە قالادى. ءبىز ءاردايىم ۋاقىتىندا كومەك كورسەتۋىمىز كەرەك جانە توتەنشە جاعدايدىڭ الدىن الۋىمىز قاجەت», دەدى مينيستر.
سونداي-اق سىرىم ءشارىپحانوۆ الدا كەلە جاتقان مەرەكەمەن قۇتتىقتادى.
«قۇرمەتتى, ارىپتەستەر! سىزدەرگە زور دەنساۋلىق پەن جاقسىلىق تىلەيمىن! جۇمىستارىڭىز العا باسا بەرسىن! ءبىز قۇتقارۋ جۇمىسىنان بۇرىن الدىن الۋ ماسەلەسىنە كوبىرەك كوڭىل ءبولۋىمىز كەرەك. باستىسى ەلىمىز گۇلدەنە بەرسىن! توتەنشە جاعدايلار بولماسىن!», دەپ تۇيىندەدى گەنەرال-مايور سىرىم ءشارىپحانوۆ.
