فوتو: قانات مىڭباەۆ
ءىس-شارانىڭ ءبىرىنشى كۇنى تەلەباعدارلامالار اۆتورى جانە جۇرگىزۋشىسى ەربولات مۇحامەدجان «تەلەباعدارلاما جاساۋ تەحنولوگياسى: يدەيادان ونىمگە دەيىن» تاقىرىبىندا شەبەرلىك ساعاتىن وتكىزدى. ول نارىقتى تالداۋ, اۋديتورياعا ءوتىمدى فورماتتاردى انىقتاۋ, جوبانىڭ تۇجىرىمداماسىن ازىرلەۋ جانە ونى تەلەارنالارعا ۇسىنۋ ماسەلەسىنە ءجىتى توقتالدى.
ال شەشەندىك ونەر سالاسىنىڭ ساراپشىسى مەرۋەرت جۇنىسبەك «شەشەندىك ونەر. سويلەۋ تەحنيكاسى» ۋوركشوبىندا قاتىسۋشىلارمەن بىرگە پراكتيكالىق تاپسىرمالار ورىندادى. سپيكەر كوپشىلىك الدىندا سەنىمدى سويلەپ, اۋديتوريانىڭ نازارىن قالاي اۋدارۋ كەرەگىن ايتتى.
سەميناردىڭ العاشقى كۇنىن مەديامەنەدجەر, جۋرناليست ءاليا تەكەنوۆا «فاكتچەكينگ تەحنولوگيالارى: قۇرالدار مەن ادىستەر» اتتى ۋوركشوبىمەن قورىتىندىلادى. ساراپشى شەتەلدىك باق-تاردىڭ جالعان اقپاراتپەن كۇرەس تاجىريبەسىنە توقتالىپ, فاكتچەكتىڭ نەگىزگى 4 مىندەتىن اتادى.
ال سەميناردىڭ ەكىنشى كۇنى PR مەنەدجەر ايبار ولجاەۆ «داعدارىس جاعدايلارىندا اقپارات الۋدىڭ زاماناۋي ادىستەرى» ۋوركشوبىندا داعدارىسقا دەيىن جانە كەيىن شەشۋ كەرەك ماسەلەلەر تۋرالى ايتىپ, مامانداردىڭ ارەكەتتەرىن مىسالمەن جىكتەپ كورسەتتى. ونىڭ ايتۋىنشا, نارىقتا داعدارىس جاعدايىن باسىنان وتكەرگەن نەمەسە داعدارىستىڭ ىشىندە جۇرگەن ماماندار جوعارى باعالانادى.
سەميناردىڭ سوڭعى ۋوركشوبىن پودكاستەر ەلدار قۇدايبەرگەن وتكىزدى. ول جاساندى ينتەللەكت تەحنولوگيالارىن مەديادا قولدانۋ جولدارى تۋرالى ايتىپ, جۋرناليست جۇمىسىن جەڭىلدەتۋگە جي-ءدىڭ قانداي كومەگى بار ەكەنىنە توقتالدى. سپيكەردىڭ ايتۋىنشا, جاساندى ينتەللەكتىنىڭ كومەگىمەن سپورت جانە قارجى سالاسىنا قاتىستى ساندىق دەرەكتەر مەن ستاتيستيكالاردى تالداۋعا بولادى.
«قازاق ءتىلى بۇرىنعىداي تەحنولوگيادان الشاق ءتىل ەمەس. سوندىقتان جاساندى ينتەللەكتىنى قولدانباساق تا, مىندەتتى تۇردە مەڭگەرۋىمىز كەرەك. بۇرىن جۋرناليستەردەن ۋاقىت پەن كۇش تالاپ ەتكەن جۇمىستاردى قازىر زاماناۋي قۇرالدار وڭاي ورىنداپ بەرە سالادى», دەدى سپيكەر.
ءىس-شارا سوڭىندا قاتىسۋشىلار ءوزارا سۇراق-جاۋاپ فورماتىندا تاجىريبە الماستى. ولارعا ارنايى سەرتيفيكاتتار تابىستالدى.
ايتا كەتسەك, سەميناردىڭ ماقساتى - اقپاراتپەن جۇمىس ىستەۋدە زاماناۋي تەحنولوگيالار مەن يننوۆاتسيالاردى ءتيىمدى پايدالانۋ ەرەكشەلىكتەرىن ۇيرەتۋ ارقىلى جۋرناليستەردىڭ بىلىگىن ارتتىرۋ.
ءىس-شارانى قر مادەنيەت جانە اقپارات مينيسترلىگىنىڭ قولداۋىمەن قازاقستاندىق قوعامدىق دامۋ ينستيتۋتىنىڭ MediaLab ورتالىعى MAQSUT NARIKBAYEV UNIVERSITY-تىمەن بىرلەسە وتكىزدى.
