پارلامەنتتىك تىڭداۋعا ءماجىلىس پەن سەنات دەپۋتاتتارى, ورتالىق مەملەكەتتىك جانە جەرگىلىكتى اتقارۋشى ورگانداردىڭ, ۇلتتىق بانكتىڭ باسشىلارى, قوعامدىق ۇيىمدار مەن باق وكىلدەرى قاتىسادى.
جيىندا حالىقتىڭ كرەديت الۋىن تومەندەتۋ جانە قارجىلىق ساۋاتىن ارتتىرۋ, لۋدومانيا مەن كيبەرقىلمىستىڭ, سونىڭ ىشىندە ينتەرنەت الاياقتىقتىڭ اسەرىنەن ازاماتتاردىڭ كرەديت الۋى, سونداي-اق قارجى ۇيىمدارىنىڭ پايداسىنا قارىزداردى ءوندىرىپ الۋ بويىنشا جەكە سوت ورىنداۋشىلارىنىڭ جۇمىس تاجىريبەسى تۋرالى قابىلداناتىن شارالاردى تالقىلاۋ جوسپارلانىپ وتىر.
ءىس-شارادا پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ, قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا, ىشكى ىستەر ءمينيسترىنىڭ ورىنباسارى يگور لەپەحا بايانداما جاسايدى. پارلامەنتتىك تىڭداۋدىڭ قورىتىندىسى بويىنشا ۇكىمەتكە ۇسىنىمدار ازىرلەنەدى.
پارلامەنتتىك تىڭداۋدى ۇيىمداستىرۋشى – ءماجىلىستىڭ قارجى جانە بيۋدجەت كوميتەتى.
