فوتو: بالىق شارۋاشىلىعى كوميتەتىنىڭ ءباسپاسوز قىزمەتى
ايتا كەتسەك, تابىلعان تەڭىز جانۋارلارى مەن بالىقتاردىڭ ولەكسەلەرىنىڭ ءار ءتۇرلى دارەجەدە ىدىراۋى ولاردىڭ ءولىم مەزەتتەرى ءار ۋاقىتتا بولعاندىعىن كورسەتەدى.
بالىق شارۋاشىلىعى كوميتەتىنىڭ مالىمەتىنشە قولدانىستاعى ءوزارا ءىس-قيمىل سحەماسىنا سايكەس, اتالعان فاكت تۋرالى جۇمىس توبىنىڭ بارلىق مۇشەلەرى (جەرگىلىكتى اتقارۋشى ورگاندار, مامانداندىرىلعان عىلىمي ۇيىمدار, كاسپي يتبالىعىن زەرتتەۋ جانە وڭالتۋ ورتالىعى, گيدروبيولوگيا جانە ەكولوگيا ينستيتۋتى, قازاقستاندىق قولدانبالى ەكولوگيا اگەنتتىگى, ميكروبيولوگيا جانە ۆيرۋسولوگيا عىلىمي-وندىرىستىك ورتالىعى, وبلىستىڭ ۆەتەريناريالىق قىزمەتى, ەكولوگيا جانە پوليتسيا دەپارتامەنتتەرى, تابيعاتتى قورعاۋ پروكۋراتۋراسى) حاباردار ەتىلگەن.
يتبالىق تابىلعان جەردەگى جۇمىس توبىن جايىق-كاسپي وبلىسارالىق بالىق شارۋاشىلىعى باسسەيندىك ينسپەكتسياسى باسشىسىنىڭ ورىنباسارى باسقارادى. قازىرگى ۋاقىتتا جۇمىس توبىنىڭ قالعان مۇشەلەرى سۋ, اۋا, توپىراق سىنامالارىن الۋ ءۇشىن جانە مۇمكىن بولسا, ءولى جانۋارلار مەن بالىقتاردىڭ تىندەرىنەن سىنامالار الۋ ءۇشىن كەلەتىنى كۇتىلىپ وتىر.
سيرەك كەزدەسەتىن جانە قۇرىپ كەتۋ قاۋپى تونگەن جانۋارلار تۇرلەرىنىڭ جويىلۋ دەرەگى بويىنشا قىلمىستىق ءىس قوزعالدى.
قازاقستاننىڭ قولدانبالى ەكولوگيا اگەنتتىگىنىڭ قىزمەتكەرلەرى كاسپي تەڭىزىنىڭ قازاقستان جانە رەسەي سەكتورلارىنىڭ اكۆاتورياسىنداعى رەسەيلىك عىلىمي مەكەمەلەرمەن بىرلەسىپ 2022 جىلدىڭ اياعى مەن 2023 جىلدىڭ باسىنداعى قىسقى كەزەڭدە يتبالىقتاردىڭ شوعىرلانۋى كەزەڭىندە جۇرگىزگەن ساناۋ قورىتىندىسى بويىنشا ەسەپتەلگەن يتبالىقتاردىڭ جالپى سانى 259 872 قۇراعان. (كاسپي تەڭىزىنىڭ قازاقستان سەكتورىندا - 240 168, رەسەي سەكتورىندا - 19 704).
