«Freelance Mumkindik» قىسقا مەرزىمدى وقىتۋ باعدارلاماسى استانا اكىمدىگىنىڭ قولداۋىمەن JOLTAP جوباسى اياسىندا ازىرلەندى.
«Freelance Mumkindik-ءتىڭ» باستى ماقساتى – ەلوردا تۇرعىندارىنا تابىسىن ارتتىرۋ مۇمكىندىكتەرىن تاڭداۋعا, سونداي-اق كاسىبي بىلىكتىلىكتى ارتتىرۋعا كومەكتەسۋ», دەپ ءتۇسىندىردى «جاڭا مۇمكىندىك» قورىنىڭ تالداۋ ءبولىمىنىڭ جوبالىق مەنەدجەرى ەراسىل ءدىلدايىم.
ءبىرىنشى اعىمدا 177 ادام وقۋعا كىرىستى. تاڭداۋ ءۇشىن ولارعا جەتى تسيفرلىق ماماندىق ۇسىنىلدى: تارگەتولوگ, SMM, ۆيدەوگراف, ماركەتپلەيس مامانى, موبيلوگراف, گرافيكالىق ديزاينەر جانە ۆەب-ديزاينەر (سايتتاردى ازىرلەۋ).
«مەن موبيلوگرافيا كۋرسىندا وقيمىن. وقىتۋ تەگىن ءارى ساباقتار جايلى كابينەتتەردە جانە ستۋديالاردا وتەدى, وندا ءبىز فوتوسەسسيالارعا قاتىسامىز جانە ءبىلىمىمىزدى تاجىريبە جۇزىندە قولدانامىز. ءبىرىنشى ساباقتان باستاپ ەكى اپتا ءوتتى, وسى ۋاقىت ىشىندە بىزگە ۆيدەولاردى مونتاجداۋ جانە ءارتۇرلى ەففەكتىلەردى قولدانۋ ۇيرەتىلدى. بۇل وقۋدى وتە جاقسى كورەمىن. ءوزىم ريەلتورمىن, الەۋمەتتىك جەلىلەردە ءوز قىزمەتتەرىمدى تانىستىرۋ ءۇشىن موبيلوگرافيا قاجەت. بىراق مەنىڭ ويىمشا, بۇل كۋرس وتە پايدالى بولادى. كەيبىر ايەلدەر ءتىپتى بالالارمەن ساباققا كەلەدى, سول سياقتى جاقىندا زەينەتكە شىققاندار دا ارامىزدا بار», دەدى وقۋشىلاردىڭ ءبىرى ناتاليا گۋبار.
كۋرستار اياقتالعاننان كەيىن قاتىسۋشىلار سەرتيفيكاتتار الادى, ال ولاردىڭ تۇيىندەمەلەرى «JUMYS TAP» Telegram-بوتىندا تەگىن جۇرگىزىلەتىن بولادى.
جوبا ءۇش جىلعا جوسپارلانعان. ۇيىمداستىرۋشىلاردىڭ ايتۋىنشا, وسى جىلدىڭ قاراشا ايىندا جۇمىسشى ماماندىقتارى بويىنشا تەگىن وقىتۋ باستالادى.
ەلوردا تۇرعىندارىنا ىڭعايلى بولۋ ءۇشىن «بارشاعا مۇمكىندىك» مودۋلدىك پۋنكتەرى قالانىڭ ءتۇرلى ورىندارىندا ورنالاسقان جانە كۇن سايىن, دەمالىسسىز مىنا مەكەنجايلار بويىنشا جۇمىس ىستەيدى:
- «جاستار» سارايى, رەسپۋبليكا داڭعىلى, 34;
- «تۇلپار» سو, ش.ءۋاليحانوۆ كوشەسى, 24;
- «Euromall» ءسۇ, قوسشىعۇل ۇلى كوشەسى, 24;
- «Ailand» سوو, قورعالجىن تاس جولى, 2;
- «ۆسترەچا» ءسۇ, ابىلاي حان داڭعىلى, 31;
- «Mechta» ءسۇ, سىعاناق كوشەسى, 3;
- «ازيا پارك» سوو, قابانباي باتىر داڭعىلى, 21;
- «Magnum» سۋپەرماركەتى, ەدىل كوشەسى, 26;
- «سايانۇر» بازارى, تىلەنديەۆ داڭعىلى, 24/5;
- «Big شانحاي» ءسۇ, الاش تاسجولى, 32ا.
