فوتو: تۇركىستان وبلىسى اكىمدىگى. تەلەگرام
«2021 جىلى 31 ناۋرىزدا تۇركىتىلدەس مەملەكەتتەردىڭ ىنتىماقتاستىق كەڭەسىنىڭ VIII بەيرەسمي سامميتىندە تاراپتار تۇركىستاندى تۇركى الەمىنىڭ رۋحاني استاناسى دەپ اتاۋ تۋرالى دەكلاراتسياعا قول قويدى. اتالعان قۇجات جانە تۇركى تىلدەس ەلدەردىڭ تۋريزم باعىتىنداعى جوعارى دەڭگەيدەگى كەزدەسۋلەرى مەن كەلىسىمدەرى تۇركىستانعا تىڭ سەرپىن بەرەدى. جاڭا تۇركىستان تۇركى الەمىنىڭ مادەني-رۋحاني ورتالىعىنا اينالاتىنىنا سەنەمىن», دەگەن وبلىس اكىمى دارحان ساتىبالدى ايماقتا اتقارىلىپ جاتقان اۋقىمدى جۇمىستاردى اتاپ ءوتتى.
فورۋمنىڭ باستى ماقساتى – تۇركى الەمىنىڭ تۋريستىك استانالارى اراسىندا ءوزارا ءتيىمدى ىنتىماقتاستىق ورناتۋ جانە 2024 جىلى تۇركى الەمىنىڭ كەلەسى استاناسى رەتىندە تۇركىستان قالاسىمەن تانىستىرۋ.
«تمۇ كەڭىستىگىندەگى «تۇركى الەمىنىڭ تۋريستىك استاناسى» ماڭىزدى باستاماسى ۇلى جىبەك جولى بويىنداعى قالالاردىڭ تۋريستىك الەۋەتىن اشۋعا مۇمكىندىك بەرىپ, ءبىر-ءبىرىنىڭ مادەني جانە ءداستۇرلى قۇندىلىقتارىن ءبىلۋ ارقىلى بارلىق تۇركى ەلدەرى حالىقتارىنىڭ تىعىز بايلانىسۋىنا ىقپال ەتەدى», دەدى فورۋمدا تۋريزم جانە سپورت ۆيتسە-ءمينيسترى ەرجان ەركىنباەۆ.
ايتا كەتسەك, كۇنى كەشە تمۇ ەلدەرىندەگى تۋريزم ماسەلەلەرىنە جاۋاپتى مينيسترلەردىڭ VIII وتىرىسى اياسىندا تۇركىستاندى 2024 جىلعا ارنالعان تۇركى الەمىنىڭ استاناسى دەپ جاريالاۋ باستاماسى ماقۇلداندى. اتالعان شەشىم تۋرالى رەسمي حابارلاندىرۋ ەل باسشىلارىنىڭ تاياۋدا وتەتىن سامميتىندە جوسپارلانىپ وتىر.
