سۋرەتتەردى تۇسىرگەن – سۇلتان سەيىت
دۇنيەنىڭ ءبىر تۇكپىرىنەن ەكىنشىسىنە دەيىن حات جولداۋ, حابارلاما, سالەمدەمە جەتكىزۋ – پوشتا مەكەمەسى اتقاراتىن مىندەتتەردىڭ ءبىرى. وسى مىندەتتەردى ءمىنسىز ورىنداعان, تالاي جىلدار بويى قاجىرلى ەڭبەك ەتىپ كەلگەن, قازىرگى كۇندە زەينەتكە شىققان پوشتانىڭ قۇرمەتتى قىزمەتكەرلەرى دە اتالعان جيىنعا قاتىستى.
شارا باسىندا استانا فيليالى بيزنەس جونىندەگى ديرەكتورىنىڭ ورىنباسارى اسەل سىزدىقوۆا بيىلعى جىلدىڭ 2 قازانىنان باستاپ 2024 جىلعا ارنالعان جازىلىم اشىلعانىن حابارلادى. سونداي-اق بارشا قاۋىمدى قازپوشتانىڭ 30 جىلدىعىمەن قۇتتىقتاپ ءوتتى.
جىل سايىن ءداستۇرلى تۇردە وتەتىن ناۋقاندا ءار باسىلىم ءوزىنىڭ العاشقى جازىلۋشىلارىنا سىيلىقتار تاراتتى. ال قازپوشتا ۇجىمى العاشقى 20 جازىلۋشىعا ارنايى سەرتيفيكاتتار تابىس ەتتى.
بۇگىنگى رەسمي جيىنعا بىرنەشە باسىلىم ءوز ونىمدەرىن الىپ كەلىپ وتىر. ونىڭ ىشىندە «قازاق گازەتتەرى» جشس, «اstana aqshamy», «ايقىن-ليتەر» جشس, «تۇركىستان» گازەتى, «ەلوردالىق ءبىلىم» گازەتى مەن «استانالىق ادىستەمە» جۋرنالى, «مادەني مۇرا» جانە «National Geographic قازاقستان» جۋرنالدارى بار.
«جازىلىم قازپوشتانىڭ ءداستۇرلى قىزمەتىنە اينالعان. 1980 جىلدارى ەلەكتروندى اقپارات قۇرالدارى بولماعان كەزدە, بىردەن-ءبىر اقپارات كوزى گازەت بولاتىن. ءار وتباسى گازەت-جۋرنالدارعا جازىلاتىن. سول جىلدارى جازىلىم تيراجى 456 مىڭ دانانى قۇرادى. كەيىن مەملەكەتىمىز جاڭادان قۇرىلىپ جاتقان جىلدارى جازىلىم باسەڭسىپ, ءتىپتى جازىلىم سانى نولگە دەيىن ءتۇسىپ كەتكەن كەزدەر دە بولعان. كەيىن, باس قالانى استاناعا كوشىرۋ جىلدارىندا جازىلىم بىرتە-بىرتە قالپىنا كەلىپ, تىڭ اقپاراتتار, ۋاقتىلى, قىزىقتى ۇسىنىلعان ماتەريالدار الۋ قاجەتتىلىگى قايتادان جاڭاردى.
پوشتاشىلاردىڭ ەڭبەكقورلىعىنىڭ ارقاسىندا پوشتا بولىمشەسى ارقاشان ءوز مىندەتتەرىن اتقارىپ كەلەدى. وسى ورايدا, بارشاڭىزعا زور دەنساۋلىق, زەينەتكەرلەرگە زەينەت ۋاقىتىندا قىزىقتى ءومىر تىلەيمىن. جازىلۋشىلار كۇنى قۇتتى بولسىن!», دەيدى پوشتا سالاسىنا ەڭبەگى سىڭگەن زەينەتكەر ەۆگەنيا فەليكسوۆنا.
زەينەتكەر وتكەن عاسىردىڭ 80-جىلدارى گازەت كۇنىنە ەكى مەزگىل جەتكىزىلەتىنىن ەسكە سالدى.
«تاڭەرتەڭگى سەگىزدە جانە تۇستەن كەيىن جەتكىزىلەتىن. بۇگىندە ەلەكتروندى باق دامىعان زاماندا, كوپتەگەن گازەت تسيفرلىق فورماتقا كوشۋى جازىلىم ءبولىمى ءۇشىن اۋىر بولدى», دەدى ە.فەليكسوۆنا.
سونداي-اق جازىلۋشىلاردىڭ اراسىندا ەڭ العاشقى بولعان زەينەتكەر وقىرماندى ورتاعا شاقىرىپ, سەرتيفيكات تابىس ەتتى.
«بارشاڭىزدى باسپاسوزگە جازىلۋ ناۋقانىنىڭ باستالۋىمەن قۇتتىقتايمىن. بۇگىن قازپوشتا ۇجىمى ءباسپاسوز شىعارۋشىلاردى جانە وقىرمانداردى شاقىرىپ ءىس-شارا وتكىزىپ جاتىر. جىل باسىندا قازاقستانداعى تانىمال مىقتى گازەتتەردىڭ باسىن بىرىكتىرىپ «قازاق گازەتتەرى» جشس قۇرىلعان ەدى. ونىڭ باسىندا ءبىر عاسىردان كوپ تاريحى بار «ەگەمەن قازاقستان» گازەتى مەن «كازاحستانسكايا پراۆدا» گازەتى تۇر. گازەتتەرىمىزدىڭ وقىرماندارى كوبەيە بەرسىن. ءدال قازىرگى اقپاراتتىڭ اقتارىلىپ جاتقان زامانىندا گازەت شىعارۋ, باسپاسوزبەن اينالىسۋ جانە ونى وقىرمانعا وقىتۋ وڭاي شارۋا ەمەس. دەگەنمەن, وسىنىڭ بارلىعىن ىسىرىپ قويىپ, گازەتكە جازىلىپ جاتقان بارلىق وقىرماندارىمىزعا العىس ايتامىز», دەدى «Egemen Qazaqstan» گازەتىنىڭ شەف-رەداكتورى امانگەلدى قياس.
«مەن «ەگەمەن قازاقستان» گازەتىنە 2000-جىلدان باستاپ جازىلعانمىن. قىزىلوردا وبلىسىنىڭ تۋماسىمىن. جالپى, «ەگەمەن قازاقستان» گازەتىن بارلىق جانۇيامىزبەن بىرگە وقىپ جۇرەمىز. بۇگىن باسپا مەن وقىرماندارعا ارنالعان ۇلكەن ناۋقان بولىپ جاتىر ەكەن, العىسىمدى بىلدىرەمىن. گازەتتەردىڭ وقىرماندارى كوبەيە بەرسىن. ءباسپاسوز دامي بەرسىن!», دەيدى «ەگەمەن قازاقستان» گازەتىنىڭ تۇراقتى وقىرمانى تالعات پىرىمبەتوۆ.
