فوتو: اشىق دەرەككوز
ء«بىز «وتانداستار» قورى ۇيىمداستىرعان وسىنداي اۋقىمدى جيىنعا ءداستۇرلى تۇردە قاتىسىپ تۇرامىز. بۇگىنگى فورۋم بۇرىنعىدان وزگەرەك. الەمنىڭ ءار تۇكپىرىنەن كەلگەن قانداستارىمىزدىڭ قۋانىشتان ءجۇزى بالبۇل جايناپ تۇر. ولاردىڭ ەشبىرى ۇمىتىلماي تۇگەل جينالعانى قۋانتادى», دەدى ساۋلە تايكەشەۆا.
بۇدان سوڭ ول رەسەي فەدەراتسياسىنداعى «قازاق ءتىلى» حالىقارالىق ورتالىعىنىڭ باستى ماقساتىنا توقتالىپ, اتقارىلىپ جاتقان جۇمىستار تۋرالى ايتىپ بەردى.
ء«بىزدىڭ ورتالىقتىڭ باستى ماقساتى – قازاق ءتىلىن ناسيحاتتاۋ. جىل سايىن باتىس قازاقستان وبلىسى اكىمدىگىنىڭ قولداۋىمەن «انا ءتىلى الەمى» اتتى وقۋشىلار لاگەرىن ۇيىمداستىرىپ تۇرامىز. ول لاگەرگە رەسەيدىڭ ءار وڭىرىنەن قانداستار كەلەدى. حالىقارالىق دەڭگەيدە وتكەن وقۋشىلار لاگەرى اقتوبە قالاسىندا وتكىزىلدى. بالالاردىڭ تىلگە, مادەنيەتكە دەگەن قىزىعۋشىلىعى ارتقانىن بايقادىق», دەدى س. تايكەشەۆا.
سونداي-اق ول رەسەي جەرىندەگى قانداستار اراسىندا ءتۇرلى دوڭگەلەك ۇستەلدەر, شەبەرلىك سىنىپتارى, ناسيحات جۇمىستارى جۇرگىزىلىپ تۇراتىنىن ايتتى.
«بەس جىل بۇرىن ولكەتانۋشىمەن بىرلەسىپ «ورىنبورداعى احمەت بايتۇرسىنوۆتىڭ ءىزى» دەگەن مونوگرافيا شىعاردىق. سونداي-اق ورىنبوردا «الاشتىڭ ىزىمەن» دەگەن ەكسكۋرسيالىق تۋر بار. بۇل اتقارىلىپ جاتقان جۇمىستار وڭ اسەرىن بەرىپ جاتىر. قانداستارىمىزدىڭ گەنەتيكالىق جادى ويانىپ جاتىر دەۋگە بولادى. سونداي-اق التاي وڭىرىندە 5-سىنىپقا دەيىنگى وقۋشىلارعا ارناپ قازاق ءتىلى وقۋلىعى شىعىپ جاتىر. ونىڭ ءبارى وقۋ-اعارتۋ مينيسترلىگىنىڭ كەلىسىمىمەن جاسالادى», دەدى ول.
ونىڭ ايتۋىنشا, سوڭعى 3-4 جىلدا رەسەيدەگى قانداستاردىڭ ەلگە دەگەن قىزىعۋشىلىعى ارتا تۇسكەن.
«بۇگىنگى فورۋمدا كوپتەگەن كۇردەلى ماسەلەلەر كوتەرىلىپ جاتىر. «وتانداستار قورىنىڭ» ارقاسىندا 3-4 جىلدا رەسەيدىڭ ءار ءوڭىرى ويانادى. جاستاردىڭ ەلگە دەگەن قىزىعۋشىلىعى ارتتى. بۇنىڭ بارلىعى ارينە «وتانداستار قورى» جۇمىسىنىڭ جەمىسى. بۇل قورمەن ءبىر وتباسىداي ەتەنە جۇمىس ىستەپ جاتىرمىز. رەسەيدىڭ ءار تۇكپىرىنەن ەشكىم ۇمىتىلماي كەلىپ جاتىر. بۇل دا ءبىر جاقسى ناتيجە», دەدى ساۋلە سوۆحوزقىزى.
