ءىس-شارانى «جانۇيا» وتباسى ينستيتۋتىن قولداۋ ورتالىعى مەن استانا قالاسى اكىمدىگىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسى بىرلەسىپ ۇيىمداستىردى. وعان ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەلەرى, قالالىق ءماسليحات دەپۋتاتتارى جانە كوپبالالى وتباسىلار قاتىستى.
«قازىرگى ەككەن تال-شىبىق, ەرتەڭ جاپىراعى جايقالعان اعاش, ودان ءارى كورىكتى ورمان بولاتىنى بەلگىلى. وسىدان بىرنەشە جىل وتكەن سوڭ بۇل اعاشتاردىڭ ساياسىن نەمەرە-شوبەرەلەرىمىز كورەدى. دانا قازاق «اتادان مال قالعانشا, تال قالسىن», دەپ اعاشتىڭ ادامزاتقا بەرەر پايداسىن ەرەكشە اتاپ وتكەن», دەدى استانا قالاسى اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق كوميسسياسىنىڭ حاتشىسى قارلىعاش ساركەنوۆا.
ايتا كەتەيىك, «جانۇيا» ورتالىعى – كوپبالالى, تولىق ەمەس, جاعدايى تومەن وتباسىلارعا, مۇگەدەك بالا تاربيەلەپ وتىرعان وتباسىلارعا جانە مۇگەدەكتىگى بار جاندارعا كەشەندى كەڭەس بەرۋ قىزمەتتەرىن كورسەتۋ, وتباسى ينستيتۋتىن نىعايتۋعا باعىتتالعان شارالاردى ۇيىمداستىرۋ ماقساتىندا جۇمىس ىستەيدى.
«بۇتاق جايعان اعاش قارتايمايدى, ۇرپاق جايعان ادام قارتايمايدى», دەيدى حالقىمىز. كەيىنگى كەزدە اعاش ەگۋ ءداستۇرى ەلىمىزدىڭ تۇكپىر-تۇكپىرىندە قولعا الىنىپ جاتىر. وسى ورايدا ء«وز اعاشىڭدى وتىرعىز» اتتى الەۋمەتتىك اكتسيانىڭ ماڭىزى زور. بۇل اكتسياعا ورتالىقتىڭ سۇيەمەلدەۋىندەگى 20-دان استام كوپبالالى جانە مۇگەدەكتىگى بار بالالاردى تاربيەلەۋشى وتباسىلار قاتىستى», دەيدى استانا قالاسى اكىمدىگىنىڭ «جانۇيا» وتباسى ينستيتۋتىن قولداۋ ورتالىعى ديرەكتورى باحتيار ايتپاەۆ.
ء«ىس-شارانىڭ باستى ماقساتى – ءومىردىڭ قيىن جاعدايىنا تاپ بولعان وتباسىلارداعى بالالاردى ەكولوگيالىق تاربيەلەۋ ارقىلى اتا-انا مەن بالا اراسىنداعى قارىم-قاتىناستى نىعايتۋ, ورتاق ىستە وتباسىنىڭ بىرلىگىن دامىتۋ, بالالاردى ەڭبەككە باۋلۋ, قورشاعان ورتا مەن تابيعاتتى ايالاۋ ءار ادامنىڭ جاۋاپكەرشىلىگى ەكەنىن سەزىندىرۋ», دەيدى ۇيىمداستىرۋشىلار.
يگى ىسكە قاتىسۋشىلار ءبىر مەزەتتە 70-كە جۋىق اعاش وتىرعىزدى. جەر ءبولىپ, اعاش وتىرعىزۋعا سارىارقا اۋدانىنىڭ اكىمدىگى قولداۋ كورسەتتى.
