فوتو: gov.kz
شوب سۋبەكتىلەرىنىڭ باسەكەگە قابىلەتتىلىگىن ارتتىرۋ ءۇشىن اكىمدىك كاسىپكەرلەردى قولداۋ بويىنشا بىرقاتار شارالار جۇرگىزىلىپ جاتىر, ونىڭ ىشىندە 2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا شەڭبەرىندە 5 ملن تەڭگەگە دەيىن مەملەكەتتىك گرانتتار بەرۋدى جەكە كاسىپكەرلەرگە, سۋبەكتىلەرگە ۇسىنادى.
«ۇلتتىق جوبا شەڭبەرىندە جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانتتار بەرۋ قاعيدالارىنا سايكەس كونكۋرستىق ىرىكتەۋگە قاتىسۋشىلار الەۋمەتتىك كاسىپكەرلىك تىزىلىمىنە كىرەتىن الەۋمەتتىك كاسىپكەرلىك سۋبەكتىلەرى, ء«بىر اۋىل – ءبىر ءونىم» باعدارلاماسىنا قاتىسۋشىلار جانە ەكونوميكا باسىم سەكتورلار شەڭبەرىندە قىزمەتىن جۇزەگە اسىراتىن, تىركەۋ مەرزىمى 3 جىلدان اسپايتىن باسقا دا دارا كاسىپكەرلەر بولۋى مۇمكىن», دەيدى سپيكەر.
كونكۋرس جىل سايىنعى نەگىزدە وتكىزىلەدى. بيىل وتىنىمدەردى قابىلداۋ 7-16 تامىز كۇندەرى kezekte.kz اقپاراتتىق پلاتفورما ارقىلى ءوتتى. بارلىعى 1971 ءوتىنىم كەلىپ تۇسكەن, بۇل رەتتە كونكۋرستىق كوميسسيا الدىندا قورعاۋعا 1118 ءوتىنىم جىبەرىلگەن.
كونكۋرستىق كوميسسيانىڭ شەشىمىمەن 545 ملن تەڭگەگە 113 جوبا ماقۇلداندى.
سالالار بولىنىسىندە:
- جوبالاردىڭ 49,57% (56 جوبا) وڭدەۋ ونەركاسىبىنە كەلدى. مىسالى: «قۋات» جك ءوزى ەلەكتر اربالارىنىڭ قىمباتتىعى پروبلەماسىنا تاپ بولىپ, مۇگەدەكتەر ارباسىنا ارنالعان ەلەكتر پريستاۆكالارىن نەمەسە تولەگەن ۇلى جك لازەرلىك چپۋ ستانوگىن ءوندىرۋ تۋرالى شەشىم قابىلدادى.
- ءبىلىم بەرۋ سالاسىندا - 19 جوبا. مىسالى: Arystan جك ۆيرتۋالدى باعدارلامالاردى وقىتۋ مەكتەبىن اشۋعا باعىتتالعان يننوۆاتسيالىق جوباسى.
- دەنساۋلىق ساقتاۋ سالاسىندا - 12 جوبا. كونكۋرستىق كوميسسيا ماقۇلداعان جك جارىلقاسىموۆ ناقتى ومىردە دالىرەك ناتيجە الۋ ءۇشىن 3D-مودەلدەردەگى وپەراتسيالاردى مودەلدەي الادى.
- اقپارات جانە بايلانىس سالاسىندا - 9 جوبا. جك ابيلدين ش-ميكرو, شاعىن جانە ورتا كاسىپورىندار ءۇشىن تسيفرلىق ترانسفورماتسياعا, دەرەكتەردى بەرۋدى اۆتوماتتاندىرۋعا جانە تالداۋعا باعدارلانعان SMART Data Solutionsit-پلاتفورماسىن قۇرۋ.
- ونەر, ويىن-ساۋىق جانە دەمالىس باعىتىندا - 4 جوبا. جك مۇحامەتجانوۆ بالالاردىڭ داعدىلارىنا, مۇمكىندىكتەرى مەن تىلەكتەرىنە, اتا-انالاردىڭ سۇراۋىنا بەيىمدەلگەن دامۋ ەرەكشەلىكتەرى بار بالالارعا ارنالعان مەرەكەلەردى ۇيىمداستىرۋ.
- كاسىبي, عىلىمي جانە تەحنيكالىق قىزمەت باعىتىندا 6 جوبا. مىسالى, جك لياشەۆيچ دميتري «تۋنگۋس» ۇنتاقتى ءورت ءسوندىرۋ مودۋلدەرىن قايتا جاراقتاندىرۋ قىزمەتى.
- كولىك جانە قويمالاۋ جانە ت.ب. باعىتىندا - 4 جوبا. ماحابات جك - جۇكتەردى كولىكتىك وڭدەۋ.
