ايماقتا وتكەن جيىنعا ورتالىق سايلاۋ كوميسسيا مۇشەسى شاۆحات وتەمىسوۆ پەن وسك اپپاراتىنىڭ جاۋاپتى قىزمەتكەرلەرى قاتىستى. ساپاردىڭ العاشقى كۇنى نۇرلان ءابدىروۆ س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ ستۋدەنتتەرىمەن كەزدەستى. ول ەلىمىزدىڭ سايلاۋ جۇيەسىندە باستالعان ساياسي رەفورمالار تۋرالى كەڭىنەن اڭگىمەلەدى.
اتىراۋ وبلىستىق ءماسليحاتىنىڭ شەشىمىمەن يساتاي, قىزىلقوعا اۋداندارىندا اكىمدى تىكەلەي سايلاۋ العاش رەت وتكىزىلەدى. وسىعان وراي ورتالىق سايلاۋ كوميسسياسىنىڭ باسشىسى قامىسقالا اۋىلدىق وكرۋگىنىڭ تۇرعىندارىمەن كەزدەسۋ وتكىزۋ ءۇشىن يساتاي اۋدانىنا ات باسىن تىرەدى. ول ءبىرىنشى كەزەكتە, اۋىل تۇرعىندارىنىڭ بۇرىن سايلانعان اۋىل اكىمىنىڭ اتقارعان جۇمىسىنىڭ ساپاسى تۋرالى پىكىرلەرىن تىڭدادى. اۋىل تۇرعىندارى ونىڭ قىزمەتىنە وڭ باعا بەردى. تۇرعىندار اۋىل اكىمى رافيعات تاجيدەنوۆانىڭ 2021 جىلى اتىراۋ وبلىستىق «ۇزدىك اۋىل اكىمى» بايقاۋىندا جەڭىسكە جەتكەنىن دە اتاپ ءوتتى. اۋىلداعى ارداگەرلەر كەڭەسىنىڭ توراعاسى بەكبولات ءمۋسيننىڭ پىكىرىنشە, اكىمنىڭ جۇمىسى ناتيجەلى بولۋى ءۇشىن قولدانىستاعى بيۋدجەتارالىق قاتىناستاردى جەتىلدىرۋ ارقىلى اكىمنىڭ قارجىلىق دەربەستىگىن ارتتىرۋ قاجەت, بۇل ءوز كەزەگىندە پرەزيدەنت قاسىم-جومارت توقاەۆتىڭ 2023 جىلعى 1 قىركۇيەكتەگى قازاقستان حالقىنا جولداۋىمەن سايكەس كەلەدى.
يساتاي اۋدانىنىڭ ورتالىعى اققىستاۋ اۋىلىندا جاستارمەن كەزدەسۋ دە مازمۇندى ءوتتى. جاستار وزدەرىن تولعاندىرىپ جۇرگەن سۇراقتارىن قويدى. ماسەلەن, جاس بەلسەندى ەركەبۇلان زينەدينوۆ دەسترۋكتيۆتى ءدىني اعىمداردىڭ ىقپالىنا قارسى تۇرۋ ماقساتىندا تۇرعىنداردىڭ يمامداردى سايلاۋى تۋرالى ماسەلەنى كوتەردى. جاس كاسىپكەر ارسەن سمايىلوۆ, ەلىمىز بويىنشا ەلەكتروندىق داۋىس بەرۋدى ەنگىزۋدى ۇسىندى, بۇل قادام سايلاۋعا قاتىسۋدى ارتتىرۋ مۇمكىن ەكەنىن پايىمدادى.
سونداي-اق وسك توراعاسى قىزىلقوعا اۋدانى مۇقىر اۋىلىنداعى №159 ۋچاسكەلىك سايلاۋ كوميسسياسىنىڭ جۇمىسىمەن تانىستى. مۇقىر اۋىلدىق وكرۋگى اكىمىنىڭ قاتىسۋىمەن اۋىل تۇرعىندارىمەن ءداستۇرلى كەزدەسۋ وتكىزىپ, الداعى سايلاۋ ناۋقانىنىڭ ماڭىزدىلىعىن اتاپ ءوتتى. تۇرعىندار سايلانعان اكىمنىڭ جۇمىسىنا كوڭىلى تولاتىنىن جەتكىزدى. اۋىل تۇرعىنى, 93 جاستاعى اقساقال وتەگەن وراش كوپ جۇمىس اتقارىلعانىن, بىراق اۋىلدى ودان ءارى بىرگە دامىتۋدى جالعاستىرۋ قاجەتىن ايتتى. ال زەينەتكەر اقنيەت ءساحيدىڭ پىكىرىنشە, اكىم ەڭ الدىمەن ءادىل, ادال, ەڭبەكقور بولۋى جانە حالىق الدىندا بەرگەن ۋادەسىن تولىق ورىنداۋى كەرەك. ءبىلىم بەرۋ سالاسىنىڭ ارداگەرى, قوعامدىق باستاماداعى مەدياتور قازيما كەمەلقىزى اۋدان اكىمىنىڭ سايلاۋىندا اۋىلداستارىن كانديداتتاردىڭ سايلاۋالدى باعدارلامالارىن مۇقيات زەردەلەگەننەن كەيىن عانا بەلگىلى ءبىر كانديداتقا داۋىس بەرۋگە شاقىردى.
ورتالىق سايلاۋ كوميسسياسىنىڭ توراعاسى نۇرلان ءابدىروۆ ميالى اۋىلىندا جەرگىلىكتى سايلاۋ كوميسسيالارىنىڭ الداعى سايلاۋعا دايىندىق بارىسىمەن تانىستى, سونداي-اق №144 سايلاۋ ۋچاسكەسىنە باردى.
قىزىلقوعا اۋدانىنىڭ ورتالىعىندا اۋىل جاستارىمەن قىزىقتى كەزدەسۋ ءوتتى. نۇرلان ءماجيت ۇلى وتكەن جانە الداعى سايلاۋ ناۋقاندارى, سايلاۋدى حالىقارالىق بايقاۋ, داۋىس بەرۋدىڭ بالامالى تاسىلدەرى جانە ولاردى قولدانۋدىڭ شەتەلدىك تاجىريبەسى تۋرالى ايتىپ بەردى. اتىراۋ قالاسىنىڭ ستۋدەنتتەرى اراسىندا وتكىزىلگەندەي وسى كەزدەسۋدە دە ەلەكتروندىق ساۋالداما جۇرگىزىلدى. وسى ەكى ساۋالدامانىڭ ناتيجەلەرى جالپى ۇقساس بولدى.
كەزدەسۋ بارىسىندا جاس اۋىل تۇرعىندارى سايلاۋ جۇيەسىنىڭ ءتۇرلى ماسەلەلەرى توڭىرەگىندە قىزۋ اڭگىمە ءوربىتتى. مىسالى, جاستار ورتالىعىنىڭ قىزمەتكەرى ريزابەك امانتاي مەرزىمىنەن بۇرىن داۋىس بەرۋ ينستيتۋتىن ەنگىزۋ مۇمكىندىگىنە, ال جاس جۋرناليست ايساۋلە ارداققىزى داۋىس بەرۋ ۇدەرىسىن تسيفرلاندىرۋعا, سايلاۋدا ەلەكتروندىق داۋىس بەرۋدى ەنگىزۋگە قىزىعۋشىلىق تانىتتى. كەزدەسۋگە قاتىسۋشىلار سايلاناتىن اۋدان اكىمى قانداي قاسيەتتەرگە يە بولۋ قاجەتتىگى جايىندا دا ءوز پىكىرلەرىن ءبىلدىردى. جاستارمەن جۇمىس جونىندەگى ماماندار – التىنگۇل ايتقاليەۆا مەن ايدانا وسپان جوعارى ءبىلىمىنىڭ, جەتكىلىكتى جۇمىس تاجىريبەسىنىڭ بولۋىنا, سونداي-اق جەرگىلىكتى قوعامداستىقپەن ءوزارا ءىس-قيمىل جاساۋ قابىلەتىنە توقتالدى. قارجى مامانى دۋمان نىعمەتوۆ پەن كاسىپكەرلىك ءبولىمىنىڭ قىزمەتكەرى ورالبەك وتارباي حالىقپەن جانە جاستارمەن ءتيىمدى كەرى بايلانىس, ونىڭ ىشىندە الەۋمەتتىك جەلىلەردەگى بايلانىس داعدىلارىن ءبولىپ كورسەتتى. دۋلات بايدىبەك اكىم جەرگىلىكتى تۇرعىنداردى جۇمىسپەن قامتاماسىز ەتۋگە قابىلەتى بولۋعا ءتيىس دەدى.
سونداي-اق ن.ءابدىروۆتىڭ توراعالىعىمەن كەڭەس ءوتىپ, وعان وبلىستىق, يساتاي جانە قىزىلقوعا اۋداندارىنىڭ سايلاۋ كوميسسيالارىنىڭ, جەرگىلىكتى اتقارۋشى جانە قۇقىق قورعاۋ ورگاندارىنىڭ باسشىلارى قاتىستى. توراعا الداعى سايلاۋعا دايىندىق تۋرالى بايانداما جاسادى. وسك باسشىسى اۋدان اكىمدەرىن سايلاۋ ەرەكشە ەكەنىن, جەرگىلىكتى سايلاۋ, اتقارۋشى جانە قۇقىق قورعاۋ ورگاندارىنا ۇلكەن جاۋاپكەرشىلىك جۇكتەيتىنىن جەتكىزدى. ول اكىمدىككە جانە اۋماقتىق سايلاۋ كوميسسيالارىنا مۇگەدەكتىگى بار ازاماتتاردىڭ سايلاۋ قۇقىقتارىن قامتاماسىز ەتۋ, كانديداتتارعا ۇگىتتىك باسپا ماتەريالدارىن ورنالاستىرۋ ءۇشىن جەتكىلىكتى ورىن بەرۋ, بارلىق ۇيىمداستىرۋ ماسەلەلەرىن جەدەل شەشۋ جونىندە كەشەندى شارالار قابىلداۋدى تاپسىردى.
اتىراۋ وبلىسى
