وقىرمانعا ولجا سالعان قالامگەردىڭ ارتىندا قالعان ەڭبەگى سارالانىپ, جەتى تومدىق جيناق ەتىپ شىعارعاننان كەيىن وبلىس ورتالىعىنداعى «بولاشاق» سارايىندا تۇساۋكەسەرى وتكىزىلدى. العاشقى تومىندا ولەڭدەرى مەن باللادالارى, ەكىنشى تومىندا جىر-داستاندارى مەن پوەمالارى توپتاستىرىلىپتى. اڭگىمەلەرى مەن حيكاياتتارى, پوۆەستەرى ءبىر بولەك. روماندارى جەكە بەرىلگەن. اۋدارمالارى مەن درامالارى دا جىكتەلگەن. پۋبليتسيستيكالىق وي-تولعامدارى ءوز الدىنا ءبىر بولەك. جەتىنشى تومى «تولعاۋى توقسان تولەگەن» اتتى ورتاق تاقىرىپپەن قۇراستىرىلعان. وندا سىر-سۇحباتتار, ەستەلىك ماقالالار بار.
تۇساۋكەسەردى وبلىس اكىمىنىڭ ورىنباسارى التىناي امىرەنوۆا اشىپ, قالامگەردىڭ مايەگى مول شىعارماشىلىعىنا توقتالدى. ازاماتتىق ءبىتىم-بولمىسى دا قامتىلدى. ءسوز ءدامىن بىلەتىن كوپشىلىك قالامگەردىڭ ۇلى ايان قاجىباي سويلەگەندە سىلتىدەي تىندى. توكەڭنىڭ تالانتتى پەرزەنتى بۇگىندە ايتۋلى ادەبيەت زەرتتەۋشىسى, عالىم. ءنارلى دە ءارلى ءسوز اكەگە دەگەن پەرزەنتتىك قۇرمەتتى, سارىتاپ بولعان ساعىنىشتى اڭعارتىپ تۇردى. ءسوز سوڭىن تۇيىندەي كەلە, جانارىنا جاس ءۇيىرىلۋى كوپشىلىكتىڭ جۇرەگىن ەلجىرەتىپ جىبەردى.
كوكشەدە بۇرىن-سوڭدى مۇنداي كوپتومدىق دۇنيە شىعا قويعان جوق. تۇڭعىش شارا تۇشىمدى ءوتتى. حالىق ءسوز سىيلاي بىلەدى ەكەن. سيقىرلى ءسوزدى قالام ۇشىمەن جالپاق جۇرتتىڭ رۋحاني مۇراسىنا اينالدىرعان جامپوزدىڭ دا ارۋاعىن سىيلاۋى تالانتقا دەگەن العاۋسىز قۇرمەت.
كوكشەتاۋ
