سپورت • 04 قازان, 2023

ازات سادىقوۆ ازيا ويىندارىنىڭ قولا جۇلدەسىن ولجالادى

313 رەت
كورسەتىلدى
1 مين
وقۋ ءۇشىن

قىتايدىڭ حانچجوۋ قالاسىندا ءوتىپ جاتقان ءحىح جازعى ازيا ويىندارىندا گرەك-ريم كۇرەسىنەن ازات سادىقوۆ قولا مەدالعا يە بولدى, دەپ حابارلايدى Egemen.kz تۋريزم جانە سپورت مينيسترلىگىنە قاراستى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.

ازات سادىقوۆ ازيا ويىندارىنىڭ قولا جۇلدەسىن ولجالادى

فوتو: sport.akipress.org

77 كەلى سالماقتا كۇرەسكەن ازات جاپون كوداي ساكۋرابانى, تايلاند بالۋانى ۆيسيت تامۆيراتتى ۇتىپ, جارتىلاي فينالعا شىققان. بىراق توكيو وليمپياداسىنىڭ كۇمىس جۇلدەگەرى, الەم چەمپيوناتىنىڭ ەكى دۇركىن چەمپيونى قىرعىز بالۋانى اقجول ماحمۇدوۆقا ەسە جىبەردى.

قولا مەدال ءۇشىن كامبودجا ەلىنىڭ بالۋانى سوفاك كەوعا قارسى كۇرەسۋى ءتيىس ەدى. سوفاك سىرقاتىن جەلەۋ ەتىپ بەلدەسۋدەن باس تارتىپ, ازات جازعى ازيا ويىندارىنىڭ قولا جۇلدەسىنە يە بولدى.

ايتا كەتسەك, بۇل ونىڭ ەرەسەكتەر دۋىنا قوسىلعالى بەرگى قۇرلىقتىق باسەكەدەگى العاشقى مەدالى.

سوڭعى جاڭالىقتار