فوتو: pexels.com
ەنەرگەتيكا مينيسترلىگىنىڭ مالىمەتىنشە, جىلىتۋ ماۋسىمى استانا قالاسىندا, اقمولا, شىعىس قازاقستان, قاراعاندى, پاۆلودار, قوستاناي, سولتۇستىك قازاقستان وبلىستارىندا باستالعان.
ۆەدومستۆونىڭ حابارلاماسىندا: «شىعىس قازاقستان وبلىسىنىڭ ريددەر قالاسىندا 24 الەۋمەتتىك نىساننىڭ 23 نەمەسە 96%-ى قوسىلعان. تۇرعىن ۇيلەرگە ىستىق سۋ بەرىلدى. پاۆلودار وبلىسىنىڭ ەكىباستۇز قالاسى بويىنشا 90 الەۋمەتتىك نىساننىڭ 26 نەمەسە 28,8%-ى قوسىلعان. استانا قالاسىندا 240 الەۋمەتتىك نىساننىڭ 86 نەمەسە 35,8%-ى قوسىلعان», دەلىنگەن.
3 قازاندا الماتى وبلىسىندا, 10 قازاندا ۇلىتاۋ وبلىسىندا, 15 قازاندا الماتى, اباي وبلىسىندا, اقتوبە, اتىراۋ, جامبىل, جەتىسۋ, باتىس قازاقستان, قىزىلوردا, ماڭعىستاۋ وبلىستارىندا جىلىتۋعا قوسىلۋ كۇتىلىپ وتىر.
جىلىتۋ ماۋسىمىن شىمكەنتتە 20 قازاننان, تۇركىستان وبلىسىندا 25 قازاننان باستاۋ جوسپارلانعان.
