فوتو: Polisia.kz
«2002 جىلعى ازامات باستاپقىدا ەسىرتكى ساۋداسىمەن اينالىسقان. كەيىن ول ءوزىن سينتەتيكالىق پرەپاراتتاردى وڭدەۋ جانە تازارتۋ سالاسىندا «حيميك» رەتىندە سىناپ كورگەن. جاس لابورانت نۇسقاۋلىقتاردى ينتەرنەت ارقىلى العان. ول ەسىرتكىنى جاسىرىن تۇردە ءوندىرىپ, ءىرى مولشەردە ساقتاعان», دەيدى الماتى قالالىق پد ەسىرتكىگە قارسى كۇرەس باسقارماسىنىڭ باسشىسى.
ءتىنتۋ كەزىندە پوليتسيا قىزمەتكەرلەرى ءتۇرلى ءتۇستى بەلگىسىز زاتتار سالىنعان ءتۇرلى ىدىستاردى, ارنايى زەرتحانالىق شىنى ىدىستار, ەلەكتروندى تارازىلار, حوش يىستەندىرگىشتەر, قولعاپتار, ماسكالار جانە سينتەتيكالىق پسيحوتروپتىق زاتتى وندىرۋدە قولدانىلاتىن باسقا دا زاتتاردى تاركىلەدى.
اتالعان فاكتى بويىنشا قىلمىستىق كودەكستىڭ 296-بابى, 4-بولىگى بويىنشا قىلمىستىق ءىس قوزعالدى. ەسىرتكى ساتۋشى ۋاقىتشا ۇستاۋ يزولياتورىنا قامالدى.
