فوتو: https://senate.parlam.kz/
استانا قالاسىنداعى حالىقارالىق كورمە ورتالىعىندا ءوتىپ جاتقان ءىس-شارا قازاقستاندا العاش رەت ۇيىمداستىرىلدى. حالىقارالىق كورمەگە 2019 جىلدان بەرى تۇراقتى تۇردە قاتىسادى.
«يننوپروم» كورمەسىنىڭ نەگىزگى ماقساتتارى – ونەركاسىپتىك كووپەراتسيانى دامىتۋ, ينۆەستيتسيا تارتۋ, ساۋدا ىنتىماقتاستىعىن كەڭەيتۋ جانە تاجىريبە الماسۋ. بيىلعى ءىس-شارا جاڭا كەزەڭدەگى ونەركاسىپتىك ستراتەگيا باعىتىن قامتىدى. كورمەگە ەاەو ەلدەرىنەن 300-دەن استام كاسىپورىن مەن كومپانيا ونىمدەرىن ۇسىندى.
ماۋلەن اشىمباەۆ كورمەدە مەتاللۋرگيا, ماشينا جاساۋ, حيميا جانە جەڭىل ونەركاسىپ, قۇرىلىس يندۋسترياسى, سونداي-اق, فارماتسەۆتيكا سالالارىندا وندىرىلگەن تاۋارلارمەن تانىستى.
« ءبىزدىڭ ەلىمىز ونەركاسىپ سالاسىندا ەاەو-داعى سەرىكتەستەرىمەن بىرگە 38 بىرلەسكەن جوبانى ىسكە اسىردى. تىڭعىلىقتى وڭدەۋ, بارىنشا لوكاليزاتسيا, جاڭا ونىمدەر ءوندىرۋ جانە ەكسپورتتىق الەۋەت كووپەراتسيانىڭ باستى باسىمدىقتارى ەكەنىن اتاپ وتكەن ءجون. مەملەكەت باسشىسى قاسىم-جومارت توقاەۆتىڭ ەلدىڭ ونەركاسىپتىك ۇلگىسىن قالىپتاستىرۋ جانە جولداۋدا ايتىلعان جوعارى قايتا ءبولۋ كلاستەرلەرىن قۇرۋ جونىندەگى تاپسىرمالارى اياسىندا مۇنداي ءتاسىلدىڭ ماڭىزى ارتىپ وتىر», دەلىنگەن حابارلامادا.
ايتا كەتسەك, بىلتىر قازاقستان وسى حالىقارالىق كورمەگە سەرىكتەس ەل رەتىندە قاتىسقان ەدى.
